Burela, 12 de xullo de 2016. O concelleiro de Deportes, Ramiro Fernández Rey, mantivo este martes na Deputación de Lugo unha xuntanza co novo responsable da Área de Deportes, Pablo Rivera, para falar de diversos asuntos de interese para Burela.
Fernández Rey explicou que “pedinlle que axilizase ao máximo posible as subvencións concedidas ao Burela FS, xa que levan tempo sen recibir as axudas correspondentes por parte da Deputación. O Burela FS é o club máis emblemático que temos na nosa vila e o primeiro club de fútbol sala de Galicia. Esas partidas son moi importantes para o seu desenvolvemento deportivo e poder facer fronte ás obrigas económicas que o club ten. Tamén lle solicitei a mesma axilidade para o resto dos clubs do noso municipio”.
O edil socialista contou que “tamén falamos do pavillón Vista Alegre, sobre as novas esixencias que a Liga Nacional de Fútbol Sala ven de poñer enriba da mesa de cara á tempada 2018. Deputación e Concello tentaremos sentarnos e buscar solucións neste sentido, e evidentemente terán que colaborar outras institucións xa que estamos a falar dun proxecto custoso”.
No encontro desta mañá “os vestiarios do campo de fútbol de herba artificial da Marosa tamén centraron a nosa conversa. O investimento total ascenderá a uns 106.000 euros. No orzamento municipal deste 2016 destinamos unha partida de 70.000 euros para este fin. O que buscamos na Deputación foi a súa colaboración e adquirimos o compromiso da institución provincial de aportar os cartos necesarios para poder acometer ese proxecto tan demandado”.
O concelleiro de Deportes relatou que “outro dos asuntos analizados foi o estado das pistas de tenis, que teñen o cerre perimetral bastante deteriorado, e gustaríanos poder facer as melloras necesarias de cara ao vindeiro ano. Tamén falamos da carreira nocturna Burela Bonita, fomos solicitar a colaboración económica da Deputación para esta proba. Pablo Rivera amosou o seu afán de colaboración con esta cita, que se celebrará dentro duns días en Burela”.
Ramiro Fernández convidou a Pablo Rivera a visitar Burela, as súas instalacións deportivas e a manter unha xuntanza cos clubs deportivos da localidade. O edil burelés cualificou a reunión do deputado delegado de Deportes como “moi positiva e deu a impresión que o novo deputado delegado de Deportes está moi ao tanto das necesidades deportivas de Burela”.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
