A Liga Nacional de Fútbol Sala deu dúas tempadas de prazo para que aqueles clubs de Primeira e Segunda División que non teñan un pavillón adecuado aos seus requisitos busquen unha solución, en aras do crecemento do fútbol sala e das entidades protagonistas.
O CD Burela FS Pescados Rubén e Vista Alegre están entre os afectados. O club laranxa xa fixo chegar toda a información remitida pola LNFS ao Concello de Burela, a Deputación de Lugo e a Secretaría Xeral para ou Deporte da Xunta de Galicia, solicitando a implicación das tres Administracións; nestes momentos a entidade mariñá está á espera de reunirse cos seus respectivos responsables.
Entre os requisitos aprobados en Xunta Directiva pola LNFS o pasado 18 de abril e que serán esixidos a partir do 1 de xullo de 2018, Vista Alegre deberá dispoñer de 2.000 localidades, con distancia mínima de 2 metros do terreo de xogo, e con bancadas tanto nos laterais como nos fondos; as zonas de aseo e cafetería deberán ser independentes para cada bancada. Así mesmo as instalacións deberán dispoñer de sala de primeiros auxilios e atención médica en zona de vestiarios e sala de control de dopaxe nas proximidades.
Os medios de comunicación deberán dispoñer de zona reservada en bancada separada do público e sala de traballo próxima, ademais de sala de prensa, de doado acceso desde os vestiarios, e zona mixta para entrevistas. Vista Alegre tamén terá que adaptarse para que permitir á Televisión visión ininterrompida con todas as cámaras de todo a área de xogo e zonas circundantes, incluíndo bancos, sen que estas invadan a zona de seguridade de 2 metros do terreo de xogo e sen estar preto do público.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
