Mondoñedo 6-8-16. O Grupo Municipal do BNG de Mondoñedo criticou este sábado que a falta de información e a pouca transparencia da xestión do Goberno de Elena Candia dificulta a súa labor como principal grupo de oposición.
O portavoz municipal, Eloi Cabanas, manifesta que a oposición ten o dereito de coñecer toda a información para poder desenrolar o seu traballo en condicións, “é difícil realizar esta tarefa cando a información non chega ou chega tarde”.
“Ás probas me remito”.
Cabanas apunta que a última acta de Xunta de Goberno que recibiu o seu grupo é do pasado 13 de maio, e recorda que no pleno municipal de organización de principios da lexislatura acordouse celebrar as sesións ordinarias da Xunta de Goberno Local todo os luns do ano e que o Regulamento de Organización e Funcionamento das Entidades Locais di que no prazo de dez días deberá enviarse a todos os membros da corporación copia da acta; “este feito non se cumpre así que esta opacidade fainos sospeitar que as cousas non se están facendo de todo ben, ¿onde están o resto das actas?”.
Retraso no pleno municipal.
O BNG mindoniense denuncia tamén o retraso do pleno municipal, que debería ser o último venres do mes de xullo. O representante nacionalista denuncia a parálise da actividade institucional do concello e, ante a posibilidade de que se convoque un pleno extraordinario onde non caben rogos nin preguntas, o grupo nacionalista formula publicamente unhas preguntas que considera de máxima actualidade e que ao seu entender chegarían tarde ao vindeiro pleno ordinario.
Os nacionalistas pregúntanlle ao Goberno de Elena Candia qué xestións levou ou pensa levar a cabo ante a inminente marcha para Lugo da oficina da Unidade de Recadación Executiva que a Tesourería Xeral da Seguridade Social ten en Mondoñedo.
O BNG tamén se interesa pola programación estival e pregúntalle ao goberno municipal do Partido Popular qué actividades ten previstas para estas datas e se vai haber este ano Mercados de Verán.
O voceiro do BNG esixe á alcaldesa que deixen de manexar ao seu antollo o funcionamento do concello de Mondoñedo e que corrixan canto antes estas “anomalías” para que o seu grupo poda seguir facendo unha oposición que cualifican de “seria, rigorosa e construtiva”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
