Ribadeo, 29 de agosto de 2016. O Concello inicia estes días as obras de mellora do pavimento e reforzo da rede do saneamento na rúa Alza, segundo ven de anunciar o alcalde, Fernando Suárez. O investimento ascende a 50.000 euros e o prazo de execución é dun mes.
O rexedor comentou que “agora despois destas semanas con tanta actividade e tanta xente é cando podemos empezar con máis tranquilidade e calma as obras que tiñamos previstas. Unha delas é esta de mellora no pavimento e no reforzo da rede do saneamento na rúa Alza, que entronca na avenida de Asturias e vai ata o cemiterio municipal de Ribadeo”.
Fernando Suárez dixo que “estas obras que empezan a partir de hoxe van permitir dotar dun novo pavimento en aglomerado asfáltico e vaise aproveitar tamén para modernizar as instalacións soterradas de saneamento, tendo en conta a situación límite dalgunhas delas debido ao paso do tempo”.
O alcalde ribadense subliñou que “esta inversión que supón máis de 50.000 euros é financiada con fondos propios do Concello de Ribadeo e máis cun aporte da Dirección Xeral de Administración Local. O prazo de execución vai ser ao longo do mes de setembro”.
Suárez Barcia declarou que “cando se fan obras temos que facer cortes de tráfico, ruído e molestias, pero seguramente o resultado acaba sendo do agrado dos veciños neste caso dos que viven na contorna da rúa Alza e tamén dos usuarios posto que é unha rúa moi transitada porque vai ao cemiterio municipal”.
O rexedor de Ribadeo indicou que “durante estes días de obras e de execución dos traballos vai haber modificacións na ordenación do tráfico desa zona, o cal a través da Policía Municipal vaise ir avisando coa correspondente sinalización viaria para que todo o mundo poida manter as súas actividades. Alí hai hoteis e actividades económicas que deben seguir traballando no día a día, pero debemos intentar compatibilizar todo para que a molestia sexa a mínima posible, e a execución dos traballos sexa no tempo o máis curto posible sempre dentro deste mes de setembro”.
O alcalde está a enviar cartas aos veciños e veciñas da rúa Alza nas que os informa do inminente inicio destas obras.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
