A Mariña, 30 de agosto de 2016. BNG – NÓS CANDIDATURA GALEGA presentou publicamente as persoas da comarca da Mariña que fan parte da candidatura pola circunscrición de Lugo para as eleccións galegas do 25 de setembro. Na presentación, fronte á Ría de Viveiro, participaron ademais da cabeza de lista, Olalla Rodil, Montse Porteiro, número tres da candidatura, Xosé Manuel Peña, número catro, Roberto Bouza, número oito, Andrea Martíns, número trece, e Seve Salgueiro, segundo suplente.
BNG –NÓS CANDIDATURA GALEGA encara estas eleccións como unha oportunidade para mudar as políticas aplicadas polo Partido Popular nestes sete anos que deixaron Galiza nun declive económico e social moito peor ao de fai sete anos cando Feijóo accedeu ao goberno.
Os datos son evidentes: un 20% menos de emprego industrial, desmantelamento de sectores produtivos clave como a pesca, o sector agro-gandeiro e forestal, o investimento en I+D+I na cola de Europa e como consecuencia a fuga de cerebros fora do país. Un país mais empobrecido, desigual e inxusto, con 93.000 afiliacións menos á seguridade que en 2009, cun 95% dos contratos laborais temporais e con salarios que non permiten saír da pobreza. Mais de 700.000 persoas están en risco de exclusión social, no territorio galego con excedentes na produción enerxética, hai un 15% de familias en situación de pobreza enerxética e a emigración é hoxe unha realidade incontestábel con mais de 100.000 mozas e mozos buscando oportunidades fóra despois de terse formado aquí. Reducións orzamentarias e privatizacións masivas na sanidade e demais servizos públicos agravan a situación de moitas familias para resistir o impacto da crise económica.
Na comarca da Mariña a situación non é mellor, ao contrario: peches masivos e reducións de cadros de persoal en empresas históricas da comarca como Cerámicas de Sargadelos, Muebles Hermida, Gres Burela, ECAR en Mondoñedo, Conservas Alonso, etc. Os sectores pesqueiro, e agro-gandeiro resisten como poden as embestidas da UE mentres os gobernos galego e español están ausentes ou non fan valer a dependencia de Galiza de determinados sectores produtivos.
Feijóo e o seu goberno amais de non aplicar medidas de apoio a empresas e cadros de persoal despedidos, malgastaron recursos públicos ofrecendo axudas de millóns de euros a empresas que despois de recibilas presentaron EREs de extinción, hai algún exemplo vergoñento de saqueo á arcas públicas.
Con todo, desde BNG – NÓS cremos que hai alternativas a esta desfeita. A alternativa do nacionalismo galego pivota sobre 10 eixos de actuación prioritarios:
1.- Por o país a producir cun plan de reindustrialización: É necesario aproveitar o potencial enerxético galego cunha tarifa galega que axude a empresas e familias. Incrementar o gasto en I+D+I enfocado naqueles sectores onde Galiza ten potencial específico diferenciado. Creación da Banca Pública Galega que sirva para orientar o aforro galego e destinalo a financiar actividade económica. Recuperación do Banco de Terras para incrementar as superficie produtiva.
2.- Un novo modelo de financiamento: propio, solidario e xusto. Negociación dun novo modelo de financiamento co Estado. Novo sistema fiscal mais progresivo e xusto. Creación dunha Axencia Galega contra o fraude fiscal.
3.- Mais e mellores servizos públicos: Servizo Galgo de Benestar, mellora na Sanidade Pública, ensino público galego e de calidade, converter o dereito a vivenda unha realidade.
4.- Galiza é un bo país para traballar: creación dun marco galego de relacións laborais. Plan retorna con medidas sectoriais e transversais para favorecer a volta da emigración forzada da mocidade.
5.- Unha Galiza orgullosa de si propia: apoiando a creatividade e o orgullo da cultura e lingua propia.
6.- Democratización e dereitos civís.
7.- Outro modelo de infraestruturas e de planificación do territorio.
8.- Defensa do medio natural e do patrimonio cultural.
9.- Un novo espazo galgo de comunicación.
10.- decidir nós sobre o noso.
Estas 10 medidas están desenvoltas con mais detalle na web http://www.bng.gal/
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
