A caravana electoral dos populares lucenses tivo dúas citas de relevancia este xoves na Mariña: os mitins do Vicedo e Burela. Ambos contaron coas intervencións do coordinador comarcal e candidato ao Parlamento de Galicia, José Manuel Balseiro acompañado da conselleira do Mar, Rosa Quintana, e dos responsables locais dos partidos, Jesús Novo e José María González Barcia. No acto tamén estiveron presentes outros candidatos populares da nosa comarca como Daniel Vega (Ribadeo), Maite López (FOZ) e Pilar Rivas (ALFOZ).
Entre outros asuntos os populares comprometéronse a seguir impulsando os investimentos e actuacións de mellora da competitividade dos principais portos da Mariña e consolidar así o seu liderado. De feito, as dársenas de Burela, Celeiro e Ribadeo, teñen un protagonismo especial no conxunto dos portos de interese autonómico, os dous primeiros polo importante número de descargas de peixe fresco e, o segundo, polo elevado peso do tráfico de mercadorías, todos eles sempre liderando as cifras.
En Burela destacaron tamén a importancia que suporá a finalización do novo vial de acceso ao Porto, no que a Xunta de Galicia ten investido preto de 8 millóns de euros, e que servirá para que as empresas que operan desde o porto gañen en competitividade, capacidade loxística e transporte, ademais de evitar o paso de centos de camións ao día polo centro da localidade, con mención especial tamén para a obra de ampliación do hospital xa en marcha.
Antes no Vicedo destacaron tamén outros investimentos autonómicos entre os que citaron o obradoiro de emprego, a contratación dos peóns rurais, as obras de mellora no porto ou os investimentos en materia de renovación da rede de abastacemento.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
