Cervo, 16 de setembro de 2016. A mellora de dous baños na zona de Infantil do colexio de Cervo, obra que sufragou a asociación de nais e pais de alumnos e o Concello, rematou e foi visitada polo alcalde, Alfonso Villares, e a concelleira de Educación, Dolores García.
O rexedor municipal explicou : “acercámonos ao colexio de Cervo para ver unhas obras que se acometeron durante este verán. Fomos acompañados de representantes da asociación de nais e pais (ANPA) e tamén da dirección do centro para ver estas obras, que consistiron en arranxar dous baños de Infantil deste colexio de Cervo e o seu custe foi duns 10.000 euros, dos cales a metade foi aportada pola propia ANPA e outra foi sufragada con fondos do Concello. Esta obra no seu momento comprometémonos entre todos a tela rematada antes de empezar o curso escolar, como así foi”.
Alfonso Villares engadiu que “esta obra redunda nesa aposta que estamos a ter desde este Concello, xunto coas distintas asociacións educativas do municipio, para reforzar as instalacións educativas que temos. Neste caso trátase de obras no colexio de Cervo, como tamén levamos feito no CEIP Cervo Número 1, que está situado en San Ciprián, e tamén obras que se están a acometer no instituto Marqués de Sargadelos. É unha aposta que entendemos desde o Concello de Cervo que hai que ter coa educación e que a referendamos con obras e tamén con distintas axudas, das que xa informamos en días pasados”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
