Mondoñedo 2 de outubro de 2016.- As parcelas do polígono industrial de Mondoñedo veñen de ser desbrozadas e adecentadas parar garantir o seu mantemento. Así o avanzou a alcaldesa, Elena Candia, quen precisou que “o Goberno local do Concello realizou as xestións oportunas dirixidas a que Suelo Empresarial del Atlántico (SEA), propietario do polígono industrial, levase a cabo as actuacións de limpeza do lugar pertinentes”.
A rexedora cualificou de “moi necesaria” esta actuación e avanzou que “dende o Concello garantimos o mantemento das parcelas con novas actuacións de desbroce da maleza consistentas na eliminación dos pequenos arbustos e o cortado da vexetación”.
Candia salientou a importancia destes traballos e fixo fincapé “na necesidade de poñer en valor o polígono industrial para incentivar o asentamento empresarial na localidade”. A este respecto a rexedora avanzou que o Concello sacará proximamente á venda, “a prezos moi asequibles”, as catro parcelas do polígono que son propiedade municipal. E engadiu que “neste segundo ano de lexislatura apostamos firmemente polo desenvolvemento económico da cidade. Por este motivo, poremos as parcelas a disposición dos emprendedores máis locais”.
A alcaldesa tamén recordou que o Concello concedeu en xaneiro deste mesmo ano a primeira licenza municipal definitiva para a execución de obras no polígono empresarial que permitiu o desenvolvemento dun novo proxecto industrial na localidade.
Candia explicou que “a licenza que se concedeu tiña por obxecto a construción dunha nave industrial na parcela S-15, que xa foi levantada”. E lembrou que as actividades que se suscitan para este proxecto, ademais da edificación de dita nave, “é a fabricación de latiguillos hidráulicos, destinados á maquinaria forestal, ademais dun taller anexo para a reparación de vehículos de automóbil”. “Dúas actividades que encaixan dentro das autorizables como usos principais e compatibles”, precisou.
70.000 metros cadrados de superficie
O Parque Empresarial de Mondoñedo, propiedade da Sociedade Mixta Suelo Empresarial del Atlántico (SEA, S.L.), foi desenrolado sobre unha superficie bruta de 70.000 metros cadrados, dos que se destinaron uns 39.566 metros cadrados a parcelas de uso mixto, industrial ou terciario.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
