O Congreso de Cultura Dixital e Redes Sociais #INLUGO16 xa está en marcha. As persoas interesadas en asistir poden solicitar algunha das 200 prazas gratuítas dispoñibles para o evento, que reunirá no Pazo de San Marcos a destacados profesionais e expertos no mundo das novas tecnoloxías, o xornalismo, o márketing online ou a divulgación científica.
#INLUGO16 celebrarase no Pazo de San Marcos os días 16 e 17 de decembro. A reserva das entradas pode facerse en www.inlugo.com ou en www.deputacionlugo.gal. Estas formalizaranse por rigorosa orde de inscrición.
Como novidade este ano, pódese solicitar unha entrada para cada unha das sesións, isto é, para o venres pola tarde, o sábado pola mañá e o sábado pola tarde, para facer unha mellor provisión do Salón de Actos do Pazo de San Marcos.
Elenco de luxo
A cuarta edición do #INLUGO contará con destacados expertos e figuras relevantes da rede, que compartirán nesta cita os seus coñecementos cos asistentes. O fenómeno de Instagram e dos instagramers será o primeiro dos protagonistas, que chegará da man de Phil González, Head of New Media AMC Networks para a península e América Latina e embaixador de marca de Sony Mobile, pero sobre todo é creador da maior comunidade de usuarios da coñecida rede social de fotografía, http://instagramers.com/, con presenza en centos de cidades do mundo e en continua expansión.
Tras el participará no #INLUGO16 con Bárbara Yuste (@byuste), xornalista e profesora na Universidad Carlos II y Camilo José Cela de Madrid e directora de http://bez.es; Javier Pedreira (@wicho), autor do blog Microsiervos e especialista en Cultura Dixital; Juan García (@blogoff), director de Escuela Bitácoras; Daniel Basteiro (@basteiro), xornalista e cofundador de El Español (@elespanol); Sebas Mouret, estudante e youtuber de éxito ou Miguel Ángel Lureña (@gominolasdepetroleo), doutor, licenciado en Ciencias da Tecnoloxía dos Alimentos e creador do afamado blog divulgativo gominolasdepetroleo.com, entre outros.
O cadro de relatores irase ampliando ata completar unha listaxe de preto de vinte nomes, cuxo perfil e traxectoria irase debullando nos vindeiros días na páxina web oficial (inlugo.com) e as redes sociais do evento, Facebook (facebook.com/CongresoInLugo) e Twitter (twitter.com/in_lugo).
Premios Inlugo16
Tamén está aberto o prazo para enviar candidaturas aos Premios Inlugo16, o certame co que a Deputación de Lugo quere premiar o talento lucense en tres categorías: Comercio, Ocio e Restauración; Deportes, Cultura e Acción Social; Tecnoloxía.
Para participar só é necesario cubrir o formulario que está dispoñible en http://www.inlugo.com/premios-inlugo16/. Neste formulario haberá que achegar nome, teléfono de contacto, correo electrónico e o candidato/a proposto/a ao premio. Poden xuntarse aqueles documentos que se consideren para avalar os méritos da candidatura.
Logo de finalizar o prazo de envío, un xurado formado por expertos da Deputación de Lugo será o encargado de valorar todas as candidaturas e elixir os finalistas de cada unha das tres categorías, un feito que se coñecerá o mércores 14 de decembro. Por último, o sábado 17 de decembro, coñeceranse os e as gañadoras do certame nunha entrega pública como colofón ao IV Congreso de Cultura Dixital e Redes Sociais #INLUGO16
Este foro gratuíto e para todos públicos converterase así tamén nunha plataforma de promoción e de recoñecemento daquelas iniciativas, persoas ou organizacións da provincia pola relevancia que este congreso consegue tanto en redes sociais coma na web, co seguimento da retransmisión en streaming, posible grazas á Fundación TIC.
Gañadores dos Premios #INLUGO15
Na pasada edición dos Premios INLUGO foron preto de 80 as candidaturas presentadas. Neste caso, as iniciativas galardoadas nas diferentes categorías foron:
– Comercio, Ocio e Restauración: Teafortwo https://www.facebook.com/teafortwoLugo
– Educación y Formación: o web do Servizo de Cardioloxía do HULA (http://www.cardiologia-lugo.com
– Cultura e Social: Don’t be a foreigner (http://www.dontbeaforeigner.com)
– Tecnoloxía: Cilenis (http://www.cilenis.com).
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
