O Balonmán Galipizza Viveiro fíxose co derbi provincial ante o Balonmán Lucus con autoridade (21-35), aínda que non foi ata o minuto 40 cando os mariñanos puxeron terra de por medio cun rival ao que lle pesou a súa escaseza de efectivos.
Os primeiros minutos foron de moita igualdade. Aos visitantes custoulles moito atopar o seu ritmo habitual nun ambiente bastante frío e nunha pista moi esvaradía que loxicamente prexudicou por igual aos dous conxuntos. Foron demasiadas as imprecisións e erros de recepción dos de Viveiro no primeiro tempo. Pese a todo, os de Javi Villares conseguían chegar cunha boa renda ao descanso: 10-15.
Tralo paso polos vestiarios, o Lucus empezou con moita forza e os de Keko reduciron distancias ata case a mínima expresión (15-17, minuto 35), pero aí espertaron os azuis e, coa axuda de Emilio, que lle botou o cancelo á porta visitante, fixeron un parcial de 0-11 en dez minutos que finiquitou o partido. Cun 17-30 no electrónico entrouse no último cuarto de partido, que se converteu nun intercambio de goles ata chegar ao definitivo 21-35.
O Galipizza Viveiro xa pensa agora no encontro do vindeiro sábado, no que recibirán ao Balonmán Deza no Municipal de Viveiro, a partir das 18 horas. Este será, sen dúbida, a primeira gran proba de lume para calibrar as aspiracións reais do conxunto viveirés esta tempada, xa que os lalinenses parten como un dos favoritos a conseguir o ascenso a Primeira Autonómica. De momento, o Deza suma dúas vitorias e unha derrota, esta última na sempre difícil visita a Moaña. Teñen un partido adiado diante do Ferrolterra, que disputarán o 3 decembro.
BALONMÁN LUCUS (21): Gonzalo e Melo; Gabri (2), Fente (3), Bernat (4), David (4), Alberto (3), Kevin (3) e Álvaro (2).
Exclusións: Fente e Bernat.
BALONMÁN GALIPIZZA VIVEIRO (35): Emilio e Peña; Jose Labaén (6), Carlos (3), Javi (2), Jose da Silva (2), Villares (4), Fede (4), Turbo (3), Andrés, David, Sanjurjo (5), Jacobo, Champi (1) e Aitor (5).
Exclusións: Carlos e Jacobo.
Parcial cada cinco minutos: 3-2 / 4-5 / 6-8 / 6-11 / 8-11 / 10-15 (Descanso) / 15-17 / 17-25 / 17 – 30 / 19-31 / 20-32 / 21-35.
Árbitros: Pablo Torreiro e Wallace Moreira.
Incidencias: Encontro pertencente á cuarta xornada na Segunda Autonómica disputado na Casa do Deporte de Lugo.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
