Lugo, 22 de novembro de 2016- O subdelegado do Goberno en Lugo, Ramón Carballo, visitou este martes o centro de vialidade invernal de A Xesta, no concello de Mondoñedo, onde presentou os medios operativos que se poderán despregar ante situacións climatolóxicas adversas para facilitar a circulación na rede de estradas do Estado na provincia de Lugo, chegando ata Vilafranca do Bierzo, na vertente leonesa do porto de Pedrafita.
Na presentación estiveron tamén o xefe provincial da Demarcación de Estradas do Estado en Lugo, Héctor Presas; a xefa provincial de Tráfico, Paula Yubero; o coronel xefe da Comandancia da Garda Civil, Miguel Ángel González Arias; o capitán xefe do Subsector de Tráfico da Garda Civil, Miguel Martínez; e o xefe da Unidade de Protección Civil e Emerxencias da Subdelegación do Goberno, Juan Yáñez. Asistiron tamén a alcaldesa de Mondoñedo, Elena Candia, e o alcalde de Abadín, José María López Rancaño.
O protocolo de vialidade invernal establece as pautas de actuación para as organizacións destinadas a intervir no caso de que se produzan situacións meteorolóxicas adversas que dificulten ou impidan niveis axeitados de servizo e seguridade na rede de estradas do Estado na provincia. Contén ademais unha relación dos tramos máis conflitivos por neve ou xeo, áreas destinadas a estacionamento temporal de vehículos e un directorio telefónico do persoal e medios dispoñibles que poden ser requeridos por estas circunstancias.
O protocolo incorpora ademais, como xa o facía na anterior campaña, un anexo especial referente á autovía A-8, en concreto ao tramo comprendido entre o enlace de Mondoñedo e o enlace da Xesta. Neste anexo defínese o procedemento a seguir en caso de néboas densas ou de ráfagas fortes de vento, que son as condicións climatolóxicas adversas que máis afectan a esta zona.
MEDIOS DISPOÑIBLES
O dispositivo especial para a actual campaña invernal está operativo dende o pasado 1 de novembro e manterase ata o 30 de abril de 2017. O plan provincial detallado esta mañá cubre 794,42 quilómetros de estradas convencionais e autovías estatais de Lugo, incluíndo a vertente leonesa do porto de Pedrafita. No inicio desta campaña disponse dun total de 39 máquinas quitaneves e esparexedoras de sal e salmoira, 9.300 toneladas de sal e 2.515.000 litros de salmoira. Estas son as cantidades iniciais das que se dispón nos máis de 40 depósitos de fundentes que hai na provincia, pero pódense ir incrementando segundo as necesidades que vaian xurdindo ao longo da campaña.
O obxectivo deste dispositivo é garantir a seguridade dos usuarios e que a circulación sexa o mais cómoda e fluida posible en condicións climatolóxicas adversas. Trátase polo tanto de asegurar a vialidade de circulación na rede estatal, reducir ao mínimo o número de tramos con restricións ao tráfico, así como evitar na medida do posible as retencións de vehículos. Para todo iso, dentro das operacións de vialidade invernal prevese tamén realizar tratamentos preventivos no firme en situacións de baixas temperaturas.
No conxunto da comunidade autónoma, o dispositivo confórmano 90 camións quitaneves, case 20.000 toneladas de sal e máis de 3 millóns de litros de salmoira. Con estes medios preténdese manter ao longo da campaña invernal un axeitado nivel de servizo nos 2.489 quilómetros de estradas convencionais, autovías e autopistas da rede estatal en Galicia.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
