O Concello de Viveiro comunica que dende este mércores, 23 de novembro, quedará cortado o tráfico, tanto peonil como rodado, da rúa Irmáns Vilar Ponte por mor das obras incluídas no proxecto “Pavimentación e servizos na rúa Irmáns Vilar Ponte no tramo entre Luís Trelles e a praza de Juan Donapetry”, iniciadas o pasado 15 de novembro.
O obxecto destas obras, que forma parte do proxecto conxunto de remodelación do Casco Histórico xa iniciado polo goberno do PSOE en anteriores lexislaturas con outras obras executadas, consiste na realización das actuacións necesarias para a reposición do pavimento e restitución dos servizos urbanos existentes na rúa Irmáns Vilar Ponte no tramo comprendido entre a rúa Luís Trelles e a praza Juan Donapetry; actualmente, a rúa Irmáns Vilar Ponte dende a praza de Santa María ata a rúa Luís Trelles encóntrase totalmente saneada, estando pendente o tramo a executar para deixar este vial do Casco Histórico de Viveiro totalmente saneado en canto a pavimentación e servizos.
Ditas obras de xeito máis detallado consistirán no seguinte:
1. Levantado do pavimento e instalacións existentes.
2. Dotación de servizos: Restitución da rede de saneamento e de abastecemento de auga, dado que as actuais redes encóntranse deterioradas e resultan insuficientes para garantir as necesidades actuais (aumento da sección dos tubos que forman a rede de evacuación de augas residuais, saneamento da rede de pluviais existente mellorando a ubicación dos sumidoiros ao longo do vial, aumento da sección da rede de subministro de auga potable), así mesmo procederase á canalización da instalación telefónica e eléctrica eliminando todo o cableado que na actualidade discorre grapado polas fachadas.
3. Reposición do pavimento con losetas de granito e adoquín granítico.
4. Acondicionamento da praza Juan Donapetry: Pavimentación e reorganización da praza co obxectivo de homoxeneizar pavimentos e igualar a cota entre o vial e a praza, mellorando así a accesibilidade dos viandantes.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
