Mujeres en Igualdad Burela conmemoraba este venres o Día Contra a Violencia de Xénero cunha mesa informativa diante da Casa do Concello.
Durante a xornada, repartiron lazos violetas, guías contra a violencia de xénero e a súa prevención editadas por Mujeres en Igualdad, e tamén ofreceron información ás persoas que se achegaron a esta mesa para solicitala.
Finalizaron a xornada, co baile dunha coreografía interpretada por voluntarias desta asociación, que leva por titulo: “Abre os teus ollos”, coa que tentan trasladar unha mensaxe de que hai saída á violencia de xénero. Que tes que abrir os ollos e dicirlle basta á violencia!
Mujeres en Igualdad Burela ofrecerán este sábado 26 ás 19.00 horas no Casino de Viveiro unha mesa redonda sobre violencia de xénero, e presentarán unha nova asociación de Mulleres en Igualdade en Viveiro.
O luns 28 tócalle a quenda a Lourenzá a onde foron convidadas pola Asociación de Amas de Casa do Bao de Lourenzá, ofrecerá ás 20.00 horas, unhas xornadas de prevención da Violencia de Xénero, nas que participarán tamén o grupo de Teatro Ardora de San Cibrao, Susana López Abella e Mujeres en Igualdad Burela.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
