Mondoñedo, 29 de novembro de 2016.- O Concello de Mondoñedo amplía o seu parque móbil coa dotación dun camión con grúa que permitirá mellorar a capacidade de actuación da administración local á hora de realizar diversas actuacións de conservación da biodiversidade, xa que a adquisición deste medio permite levar a cabo unha silvicultura sostible e un mellor coidado do medio natural ao tempo que se contribúe á protección do medio ambiente.
O investimento neste equipamento, segundo asegura a rexedora municipal, Elena Candia, “era unha necesidade para o noso Concello, xa que nos permitirá ofrecer unha resposta máis áxil e produtiva a través dos efectivos municipais á hora de actuar en acometidos básicos e de resposta diaria e continuada na localidade”.
En concreto, a alcaldesa explica que este camión usado con volquete e con grúa, destinado a actuar en sendeiros, camiños públicos e vías de titularidade municipal, “facilitará o transporte de vexetación e restos forestais ou contaminante en vías municipais, así como a súa carga e descarga, igual que do resto de poda das zonas que invaden as vías municipais, sendo un auténtico perigo tanto para o tráfico rodado como para viandantes de rutas de sendeirismo e camiños públicos, facilitando ao mesmo tempo o tránsito aos agricultores e gandeiros aos predios, evitando, polo tanto, un crecemento vexetal invasor”.
Do mesmo xeito, o Concello empregará este vehículo para transportar materiais naturais como zahorra natural ou terra que permitirá a rexeneración de zonas naturais degradadas; e mesmo a carga e descarga e transporte de residuos vexetais para a planta de reciclaxe máis próxima.
Proxecto municipal: ‘Protección do medio ambiente, do espazo natural e conservación da biodiversidade’
A subvención para a adquisición deste camión foi concedida pola Xunta de Galicia ao abeiro do Fondo de Compensación Ambiental e supuxo un investimento de 38.338,85 euros. En concreto, esta axuda do Goberno galego foi para o proxecto do Concello de Mondoñedo ‘Protección do medio ambiente, do espazo natural e conservación da biodiversidade 2016;’ a través do que a administración local tamén se dotou dunha miniexcavadora. A subvención total concedida pola Xunta de Galicia para este proxecto é de 78.927,75 euros, dos que máis de 14.000 euros se dirixen a gastos de funcionamento e máis de 64.000 euros a investimentos, neste caso, un camión con grúa e unha miniexcavadora.
Así, a alcaldesa de Mondoñedo quixo agradecer a concesión desta axuda por parte da Xunta de Galicia e a resposta en positivo á solicitude do Concello xa que “é paso moi importante, que nos facilitará dar unha mellor resposta aos nosos veciños e coidar e conservar a nosa localidade e o seu rural”.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
