Mondoñedo, 28 de novembro de 2016. Os socialistas de Mondoñedo afirman que os orzamentos que presentou Elena Candia ao Pleno do mes de novembro, denotan que prefire investir en propaganda e publicidade que crear emprego na cidade.
Segundo as contas aprobadas polo PP, as inversións reais para o Concello, non chega aos 400.000 euros. Pero o máis destacable das contas de Candia “é que só adica un 1.3 % ao fomento do emprego, é dicir 43.000 euros que nos corresponden por subvencións”.
González critica que a día de hoxe Elena Candia xa ten gastado máis de 26.000 en anuncios e propaganda, e nestes orzamentos prevé un investimento de 23.OOO euros. “Polo tanto a Alcaldesa de Mondoñedo gasta máis en promocionarse ela mesma, que en buscar emprego para os mindonienses que están no paro. Por iso cualifica este feito como bastante “lamentable”.
Tamén advertiu da pouca realidade que amosan os orzamentos, xa que nos mesmos, aparecen reflectidos ingresos sobre a venta de parcelas no Polígono Industrial, cando o expediente para licitalas foi aprobado neste mesmo pleno, por iso cualifican este feito de “surrealista”.
A voceira do Partido Socialista Esperanza González asegura que o único que precisa Mondoñedo é emprego, xente para vivir e boas dotacións publicas. “Pero Candia prefire gastar en tunas, colchonetas, festas e viaxes turísticos de autopromoción”.
Esperanza González afirma que si Alcaldesa de Mondoñedo pisara máis veces a cidade e a Alcaldía podería coñecer de primeira man os problemas dos nosos veciños, pero prefire recorrer a provincia no coche do PP.
Traspaso de tramos da antiga N-634
Neste mesmo pleno tamén se abordaron outras cuestións como a cesión ao Concello da titularidade de tramos da antiga N-634, ao seu paso por Sasdónigas e San Vicente.”O PSOE posicionouse en contra desta cesión, xa que entendemos que o Concello ten bastante con rozar e con manter as vías de titularidade municipal, sen ter que atender tamén aos do Estado. Cada administración ten que ser responsable das súas vías”.
Convenio de colaboración cos artesáns no Barrio dos Muíños
Sobre a proposta de convenio de colaboración cos artesáns no Barrio dos Muíños. O PSOE vota en contra desta proposta,”xa que rexeitamos a cláusula na que consta que o Concello pagará os gastos de luz, auga e mantemento das vivendas nas que viven os artesáns. Hai que lembrar que eses gastos víñanse pagando actualmente, pero entendemos que o Concello xa están realizando un esforzo económico importante coa cesión dos locais con todos os seus gastos aos artesáns, e ademais, pola vivenda tampouco pagan aluguer”.
Esperanza González demandou que os alumnos dos centros educativos de Mondoñedo non paguen por visitar estas instalacións, e avanzou que sería interesante que se realizará unha unidade didáctica sobre os oficios no Barrio dos Muíños, como xa se fixo coas Covas do Rei Cintolo.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
