O alcalde de Ortigueira e deputado provincial, Juan Vicente Penabad Muras, informa que Ortigueira optou con tres propostas nos apartados de investimento e actividades. O PMA supón un apoio esencial para os deberes ambientais de Ortigueira e cuxos obxectivos encaixan coa folla de ruta trazada polo goberno municipal sobre o patrimonio natural, o medio ambiente e a paisaxe, áreas para as que se creou unha concellería específica e desde a que se xestaron os proxectos co organismo provincial.
Por unha banda, mellorarase da zona verde da contorna do Centro Social de San Adrián, actualmente deteriorada, tanto a zona de lúdica como o resto do recinto. Coa intervención instalarase unha zona de xogos infantís, un parque un biosaudable e diverso mobiliario urbano. Mellorarase tamén todo o espazo verde do exterior do centros sociocultural. O proxecto ascende a 39.523,66 euros.
O segundo dos proxectos presentados á Deputación será o das BRIGADAS VERDES, un persoal específico para a limpeza ambiental. Ocuparanse de tarefas eliminación e concienciación á poboación do perigo de plantas invasoras, a limpeza de rutas e carreiros, accesos a praias ou de recollida de verteduras incontroladas dos nosos montes. O orzamento para esta actividade que xerará 6 postos de emprego no municipio, é de 36.037,17 euros.
Para finalizar, o último dos proxectos que recibirán financiamento provincial é ORTEGAL SOSTIBLE. Un programa de concienciación cidadá sobre a importancia de preservar o medio ambiente para o futuro, a economía quilómetro cero no Ortegal, e a aposta polo local como recurso socioeconómico. Co tempo, preténdese que a marca Ortegal Sostible evolucione nun selo de calidade a nivel municipal ou comarcal. Para as actividades deste programa resérvanse 3.480 euros.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
