Vén sendo frecuente que o Grupo Municipal do Partido Popular critique a este equipo de goberno, mediante declaracións nos medios de comunicación locais ou realizando preguntas nas sesións plenarias, por non ter solicitado determinadas subvencións da Xunta de Galicia; unha e outra vez véñense dando as explicacións oportunas, que na maior parte das ocasións coinciden.
Con respecto ás críticas realizadas nestes días polo voceiro popular, na prensa local, por non ter solicitada a subvención para a contratación dun axente de emprego e desenvolvemento local, cómpre explicar que segundo se establece na orde reguladora este concello podería recibir como máximo o 35% dos custes salariais totais; hai que ter en conta, ademais, que o posto referido é un grupo A e os custes entre salario e seguridade social ascenderían a uns 25.000 euros. Así pois, no caso de ter solicitada esta subvención, o Concello debería asumir como mínimo o 65% do custe derivado desa contratación (sendo frecuente neste tipo de subvencións que non se conceda a cantidade máxima, polo que o máis probable é que esta porcentaxe fose superior). Por estes motivos, e tendo en conta que o Concello xa conta cun orientador laboral, é polo que se decidiu non solicitar a subvención referida.
Gustaríanos que o Grupo Municipal do Partido Popular empregase a mesma behemencia para esixir á Xunta de Galicia as explicacións que xustifiquen por qué esa administración denegou a este Concello, dúas veces e en anos consecutivos, os obradoiros de emprego.
Gustaríanos, finalmente, aclarar que este equipo de goberno non é culpable do elevado número de persoas en situación desemprego, cuestión na que tanto a Administración Autónomica como a Administración Estatal si que teñen responsabilidades.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
