“Fai aproximadamente un ano remitimos unha carta similar a esta solicitando unha entrevista para tratar sobre o futuro do Museo do Mar, un espazo xestionado pola Deputación provincial de Lugo, que forma parte do noso interese e preocupación como veciños de San Ciprián, a localidade na que está situado.
Lamentablemente pese ao tempo transcorrido non recibimos ningún tipo de citación pola súa parte. O silencio non pode ser unha resposta satisfactoria polo que reiteramos a solicitude de entrevista formulada, no convencemento de que desde a Presidencia serán sensibles ás peticións –ou polo menos a escoitalas de primeira man- dos colectivos veciñais desta provincia.
Como saben as actuais instalacións do Museo do Mar quedáronse pequenas, ata o punto de que non é capaz de expoñer, nin gardar coas debidas garantías, o material do que dispón, moito del cedido de xeito desinteresado por veciños desta localidade. A maiores continúa no esquecemento o proxecto para impulsar a súa ampliación e existen dúbidas respecto do interese real da Deputación por adquirir os terreos contiguos.
Somos conscientes tamén de que a área de Cultura da Deputación de Lugo se veu afectada por un cambio de responsable, coa saída do BNG do Goberno. Sen entrar a valorar esta circunstancia si agardamos que implique unha nova sensibilidade para co futuro e mellora das instalacións culturais e dun espazo museístico de primeira referencia como é o único museo da provincia e un dos poucos de Galicia dedicado ao mundo do mar.
Comprenderá que os veciños de San Ciprián non podemos aceptar o silencio como resposta ante unha demanda xusta e proporcionada. Tamén sabemos que están a definir as liñas mestras dos orzamentos do próximo ano, un momento ideal para darnos unha oportunidade de ser escoitados, convencidos de que existe unha vontade real de facer dos orzamentos un proceso participativo”.
José Luis Sariego
Presidente da Asociación de Veciños Cruz da Venta de San Ciprián.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
