Burela, 28 de xullo, 2025. A almeriense Laura Barranco Oskina (Dalías, 23-11-2005) será xogadora do CD Burela FS en 2025-26. A ala de 19 anos convértese na cuarta peza do cadro de Belén Feal, xunto á brasileira Ana Eliza e as mariñás Lara Díaz e Silvia Rubal.
“Estou moi ilusionada; para min é un privilexio formar parte dun club que deixou pegada no fútbol sala. Chego con moitas ganas de medrar e de aprender das miñas compañeiras e do corpo técnico. É un gran reto, veño para contribuír ao grupo con todo o que estea na miña man”, explicou a novísima xogadora, que xa conta entre os seus éxitos co de ser campioa de Segunda División en 2024 con La Algaida Futsal, equipo co que xogou a promoción de ascenso esa tempada, ademais de ser campioa de España coa Selección da UCAM o mesmo ano.
Para Laura este será un gran cambio de aires: “É duro porque deixo a miña familia; vou porque para min é un soño. Quero conseguir o que levo perseguindo desde pequena. Tamén o fago por todos eles porque sei que me van estar apoiando”, confesaba así a andaluza, que recalará na Mariña despois de formarse na base de Dalías, o Federico García Lorca de Vicar e El Ejido Futsal, co que se converteu na máxima goleadora en categoría xuvenil. Dúas tempadas en Segunda División neste conxunto déronlle a oportunidade de seguir medrando na categoría de prata e gozar da promoción de ascenso con La Algaida Futsal, tras a cesión do Roldán FSF; despois dunha curta experiencia en Eivissa a través tamén do club murciano, chega a Burela.
A nova xogadora laranxa ten xa ganas de sentir a calor de Vista Alegre: “Coñezo o ambiente pola tele, vese unha afección unida. Creo que vou estar moi orgullosa deles e tentarei dalo todo para que eles tamén estean orgullosos de min tanto colectiva como persoalmente”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
