A Mariña, 26 de decembro de 2016. A presidencia da Mancomunidade de Municipios está a recibir estes días as propostas dos Concellos relativas ao persoeiro que se encargará de facer a presentación da Mariña en Fitur, e para o que xa hai catro candidatos. Ademais a Mancomunidade tamén tentará organizar un curso de socorrismo para preparar a profesionais e garantir así a súa presenza nas praias e nas piscinas da comarca o vindeiro verán.
O presidente da Mancomunidade, Alfredo Llano, lembrou que “do que se falou o outro día no pleno ordinario da Mancomunidade que celebramos este mes de decembro, no que se aprobaron os orzamentos, foi de temas que nos interesan como é o caso de Fitur. Decidimos por unanimidade este ano probar cunha persoa que nos representara un pouco a todos os concellos, que fose elixida por unanimidade e que non fose político, nin alcalde nin concelleiro, para facer a presentación do turismo e o xeodestino da Mariña”.
Llano contou que “estes días estamos mirando quen pode ser o mellor candidato e cando o teñamos o faremos saber, porque hai que falar coas persoas que se nos ofrezan ou nosoutros ofrecer a alguén que nos poida representar. Pensamos que é unha moi boa idea, estamos traballando e esperemos que dea tamén moi bo resultado”.
O presidente da Mancomunidade de Municipios da Mariña sinalou que “outro dos temas dos que falamos no pleno foi o dos cursos dos socorristas. Eu xa me puxen en contacto con xente que é especialista nestes cursos e estivemos mirando a duración, onde se poden impartir e o custe dos mesmos. Tivemos a primeira reunión o venres pasado, e imos tratar de falar con responsables da administración para que nos boten unha man ou nos permitan á Mancomunidade solicitar e xestionar nosoutros mesmos directamente, para organizar nalgún concello cursos deste tipo para que a xente que queira poida facelos e poder garantir cando chegue o verán persoal suficiente para facerse cargo das praias e das piscinas da comarca da Mariña”.
Alfredo Llano engadiu que “hai outro tema que nos preocupaba que era o do tren, e tamén contactamos con Adif para ter unha reunión o antes posible, ao mellor xa no mes de xaneiro, con responsables dos servizos ferroviarios. Dos tres temas que tratamos no pleno ordinario xa se están levando para adiante estas xestións e iniciativas. Estamos traballando para solucionar o antes posible calquera delas”.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
