A XUNTA LOCAL DA AECC (ASOCIACIÓN ESPAÑOLA CONTRA DO CANCRO) DE VIVEIRO quere agradecer a doazón da cantidade de 19.300 euros á AECC, recibida de mans das tres mulleres organizadoras do evento “UN DÍA PARA NÓS”: Dna. Mª Ángeles Galdo Sánchez, copropietaria do Hotel Restaurante O Val Do Naseiro, Dna. María Isabel Casas Pérez, propietaria da Pizzería Sixties e Dna. Teresa Pérez Rodríguez, propietaria do Centro de Psicoloxía e Coaching e-movere.
“UN DÍA PARA NÓS” espertou unha onda solidaria en VIVEIRO e noutras poboacións da Mariña lucense e iso débese ao esforzo e implicación destas tres mulleres que de maneira totalmente desinteresada e co único obxectivo de axudar a recadar fondos para a loita contra esta dura enfermidade puxeron todo o seu empeño e dedicación en organizar un evento sen precedentes na nosa localidade.
Queremos así mesmo dar as grazas a todas as empresas e persoas, algunhas delas que pediron manter o seu anonimato, a súa colaboración e implicación no mesmo xa que sen elas todo isto non fose posible:
– para o Taller de convivencia: Centro de Psicoloxía e Coaching e-movere, Barbería Célica, Barbería Carla Rico, Barbería Lucía Ferro, Farfala e Encantos.
– para a gala benéfica: Hotel Restaurante Val do Naseiro, Pizzería Sixties, Distribucións Morandeira, Cetaria De Espasante, Martín Codax, Distribuidora Lucense, Conxelados Lofre, Adegas Rioxanas, Conxelados Sarriáns, Carnicería Rufino, Pastelería Novo/ O Forno De Lolo, Pastelería Panadería O Landro, Vendas De Hostalería, Beiramar Hostalería, Raquel Seijido, Cafés Las Candelas, Grafitty, eMe Copistería, Orquestra de Corda do Conservatorio de Viveiro (Concello de Viveiro), Escola de baile GoldDance, a cantante Marietta, Dj Marco Fernández.
– para o cinema benéfico: Cinemas Viveiro.
– para divulgación: Gráficas Lareira, La Voz de Galicia, El Progreso, El Heraldo de Viveiro, Radio Voz Ribadeo, Radio Burela, Ser A Mariña, Radio Foz, Cadena Cope Ribadeo.
“De antemán queremos pedir desculpas se nos esquecemos dalgunha”.
A AECC é unha organización non lucrativa privada que leva 62 anos funcionando en España e 57 anos na provincia de Lugo loitando contra o cancro, co obxectivo de diminuír o impacto causado por esta enfermidade e mellorar a calidade de vida das persoas que a sofren directa ou indirectamente.
O seu labor non podería realizarse sen unha sustentabilidade económica, sustentabilidade que se obtén con doazóns como esta, por iso a importancia desta doazón da que se nos fai entrega.
Aproveitamos a ocasión para facilitar a todas aquelas persoas que estivesen interesadas en informarse dos servizos que ofrece a AECC os datos de contacto: Teléfono da Delegación Provincial de Lugo: 982 250 809 e 900 100 036 (teléfono gratuíto) e dúas web: www.consultorio.aecc.es e www.aecc.es.
Nos devanditos teléfonos e páxinas web as persoas interesadas poderán obter información sobre calquera tema relacionado co cancro, os servizos que ofrece a AECC, o asesoramento profesional ou apoio médico, psicolóxico e de traballo social que puidesen necesitar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
