Santiago, 3 de decembro de 2016.- Arranca a quinta edición do programa educativo “Recíclate con Sogama” para o curso académico 2016-2017 e faino con 19 centros de Primaria adscritos ao mesmo e pertencentes ás catro provincias galegas, dando cobertura a preto de 4.800 alumnos.
Con esta iniciativa, canalizada a través do Plan Proxecta da Xunta de Galicia e a través da cal se persegue a educación en valores, a compañía pública pretende instaurar a recollida selectiva nos colexios e inculcar entre os máis pequenos as boas prácticas ambientais vinculadas ao principio dos tres erres (redución, reutilización e reciclaxe) como garantía dunha xestión máis sustentable para os residuos.
A distribución dos centros seleccionados é a seguinte:
– Tres pola provincia da Coruña:
• CPI Plurilingüe Virxe da Cela, en Monfero
• CEIP A Cristina, en Carballo
• CEIP Plurilingüe San Xoán de Filgueira, en Ferrol
– Cinco pola provincia de Lugo:
• CPR Sagrado Corazón de Jesús, en Ribadeo
• CEIP Luís Pimentel, en Lugo
• CEIP de Lousada, en Guntín
• CEIP Eloísa Rivadulla, en Chantada
• CEIP de Muimenta, en Cospeito
– Catro pola Provincia de Ourense:
• CPR Plurilingüe Divina Pastora, en Ourense
• CEIP Virxe do Camiño, en Rubiá
• CEIP Plurilingüe de Vilar de Barrio
• CPR Plurilingüe Divina Pastora, en O Barco de Valdeorras
– Sete pola Provincia de Pontevedra
• CPI Aurelio Marcelino Rey García, de Cuntis
• CEIP de Viñagrande Deiro, en Vilanova de Arousa
• CEIP A Guía, en Moaña
• CEIP Marquesa do Pazo da Mercé, en As Neves
• CEP Plurilingüe de Riomaior, en Vilaboa
• CPI de Cova Terreña, en Baiona
• CPR Plurilingüe Padres Somascos, en A Guarda
A partir deste momento, cada colexio desenvolverá o seu propio proxecto de xestión de residuos, podendo contar en todo momento co asesoramento de Sogama.
Medios materiais e recursos formativos
Para que os centros poidan implantar con garantías a recollida selectiva de residuos nas súas dependencias, a empresa proporcionaralles as correspondentes illas de reciclaxe, que están conformadas por tres contedores de 120 litros de capacidade cada un (amarelo, azul e verde) nos que deben depositar, respectivamente, latas, briks e envases de plástico; papel e cartón; e restos non reciclables. No caso daqueles que dispoñan de servizo de comedor e conten cunha horta ou xardín, tamén se lles subministrará un composteiro, que lles servirá para producir abono natural de calidade a partir da materia orgánica xerada.
A fin de comprobar a calidade da selección dos residuos, a empresa realizará caracterizacións dos recipientes para obter información sobre o nivel de acerto á hora de depositar os materiais nos mesmos.
Coa pretensión de que a clasificación sexa correcta, Sogama deseñou un plan didáctico e pedagóxico que toma a forma de carteis e folletos, que serán entregados a todos os escolares, facendo chegar aos profesores presentacións, vídeos, unidades didácticas e outros recursos cos que poderán traballar a reciclaxe nas aulas de forma eficiente.
Ademais, educadores ambientais que prestan os seus servizos no marco da campaña autonómica “Oportunidades Galicia. Separemos ben, reciclaremos mellor” visitarán os 19 centros para impartir charlas e organizar talleres en torno á reciclaxe.
Todo isto complementarase coa organización dunha visita ao complexo medioambiental de Cerceda. De feito, a entidade financiará o aluguer de autobuses para que alumnos de todos os centros participantes en “Recíclate con Sogama” poidan achegarse ás súas instalacións e realizar un percorrido guiado polas mesmas a fin de coñecer o tratamento ao que son sometidos os residuos, ben para reciclalos ou ben para recuperalos enerxeticamente, no caso da fracción non reciclable.
Ao longo de todo o curso propiciarase un diálogo fluído e próximo entre os técnicos de Sogama e os coordinadores dos centros co fin de que estes poidan orientar, planificar e estruturar os proxectos do mellor xeito posible, solventando as dúbidas presentadas e corrixindo, no seu caso, os erros detectados.
Ademais, os profesores adscritos a esta iniciativa terán a oportunidade de participar nun curso en liña que a Sociedade pública levará a cabo no segundo trimestre do curso académico sobre a xestión dos residuos urbanos nun marco de economía circular.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
