O Goberno da Deputación abriu o prazo de inscrición para as primeiras 7 accións formativas, dirixidas a mozos lucenses menores de 30 anos, que sexan desempregados e estean inscritos no Sistema de Garantía Xuvenil, do LUGOWORK. Trátase do 1º plan de emprego xuvenil participativo da provincia, que puxo en marcha o Executivo da institución tras captar preto de 2 millóns de euros da Unión Europea a través da Escola de Organización Industrial. De feito, o 91,89% deste presuposto é do Fondo Social Europeo.
Os cursos, gratuítos e de 3 meses de duración, son sobre distintos nichos de emprego, detectados e avaliados co propio sector produtivo da provincia co obxectivo de acadar a inserción laboral dos mozos e mellorar a competitividade das empresas lucenses. Tras esta fase de formación, os participantes terán a posibilidade de traballar en empresas da provincia durante 6 meses. O Goberno da Deputación subvencionará os seus contratos con axudas de 5.000 euros.
As accións formativas, cada unha con 15 prazas, sumando un total de 105, son: Auxiliar de vendas online e atención ao público (que terá lugar en Lugo); Axudante de cociña e servizo de restauración (Lugo); Emprego eficiente e uso de maquinaria para o aproveitamento forestal (Viveiro); Aserrado de madeira (A Fonsagrada); Auxiliar de xestión informática e Internet para Pemes (Lugo); Traballos auxiliares en obras de rehabilitación e construción (Monforte); e Operario de obra civil (Lugo).
A solicitude pode realizarse dende xa e ata o 3 de febreiro. Os interesados deben formalizar a súa inscrición en www.deputacionlugo.gal ou en www.eoi.es. Máis información en lugowork@deputacionlugo.org e en 982-26-00-88 ou 982-26-00-77.
Poden inscribirse no Sistema de Garantía Xuvenil no seguinte enlace http://www.empleo.gob.es/es/garantiajuvenil/accesoJovenes.html.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
