Que a nosa comarca é un espazo multicultural e globalizado é un feito notorio que non precisa discusión; o modelo prototípico dese crisol que é A Mariña é vila de Burela. Baixo a cabeceira de “Burela, o porto onde ninguén é estranxeiro” a hemeroteca lémbranos que alá polo ano 2.008 o porto lucense era un dos sectores da economía galega con maior presenza de traballadores foráneos: uns 1.300 caboverdianos, peruanos, indonesios, senegaleses…
Pero este fenómeno de integración nin é exclusivo da vila burelá, nin tampouco un feito edulcorado e absolutamente pacífico que converta a nosa rexión nunha Arcadia feliz; con respecto ó proceso de integración da comunidade caboverdiana debe servir como referencia o libro de Lucía Oca “Caboverdianas en Burela 1978-2008”, galardoado co premio Vicente Risco das ciencias sociais, no que se desmitificaba ese idílico proceso de integración.
De seguro que houbo, hai e haberá moitas dificultades para o inmigrante, pero máis de trinta anos de convivencia fan que poidamos falar dun auténtico exercicio de integración, da honra e do enriquecemento dunha coexistencia plural e multiétnica.
No día en que se escriben estas liñas a polémica e a desafección sérvese na veciña localidade de Foz onde as nais de 21 nenos marroquís protestan pola supresión dun menú alternativo á carne de porco.
Quero resaltar esta cuestión porque, entendo, é dun interese social e xurídico cardinal: o que estamos a discutir é o modelo de sociedade que queremos. E é que as reaccións posteriores á nova son bipolares e contundentes: hai quen se manifesta de xeito rotundo con respecto á obriga de asimilación cultural dos nenos e hai quen ve retazos de conductas xenófobas.
Polo medio aboian cuestións de carácter legal xa que a Constitución que define o noso estado como aconfesional –que non laico- , na súa parte dogmática, no artigo 16 da mesma, garante a liberdade relixiosa e de culto, sendo dito dereito unha translación do artigo 18 da Declaración Universal de Dereitos Humanos.
¿Debe por tanto a liberdade de culto amparar unha discriminación positiva con respecto a determinados colectivos? Avívanse vellas polémicas coma a do uso do burka ou o niqab, todas estas cuestións coa complexidade e profundidade suficientes para abordar un debate pausado e de fondo que vaia moito máis alá de estar a favor ou en contra.
E esta polémica local –a de Foz- non é nova nin xenuína xa que a petición dun menú alternativo ó porco foi trasladada no mes de xuño ó Goberno por parte do presidente da Comisión Islámica en España.
Pensará o lector que estou fuxindo da pregunta autoformulada mais non é así; as cuestións complexas hai que estudalas, velas en toda a súa magnitude, intentar apreciar os matices… A miña opinión ó respecto nunca se pronunciará en termos absolutos pero podo intuír que a liña a seguir xa se marcou en Burela:
O que ven ten que asimilar e o que acolle ten que integrar, as relacións entre os distintos grupos étnicos teñen que ser un exercicio de tolerancia mutua, sempre en observancia do respecto e da legalidade. Porque pode que os trinta anos de convivencia caboverdiana non foran un filme de Walt Disney pero, ó día de hoxe, seguimos camiñando xuntos. Por moitos anos.
Pablo Álvarez Ramos
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
