Calquera pode imaxinar a complexidade dunha negociación na que participan todos os Estados Membros da Unión Europea. Trátase dun duro crebacabezas no que cada quen busca arrimar a ascua a súa sardiña, polo que non dubidan en soster posturas distintas, incluso contrapostas. Cada mes de decembro, o Consello de Agricultura e Pesca acorda os límites de captura das frotas comunitarias para o ano próximo, que despois ratificará o Consello Europeo.
É evidente que non en toda negociación é posible obter o cento por cento dos resultados agardados pero sen dúbida, cando o desenlace significa que Galicia poderá pescar en 2017 entorno a un 20% máis que no 2016, podemos dicir que, en termos xerais, foi satisfactorio. Galicia disporá, segundo cálculos estimados, 30.900 toneladas máis, o que suporía (aplicando o prezo medio do peixe e do marisco fresco durante este ano) un incremento de valor aproximado de 76 millóns de euros. Todo iso nunha Comunidade que posúe aproximadamente o 70% das cotas da zona do Cantábrico e Noroeste, de Gran Sol e das augas de Francia
Desde a óptica lucense, conseguiuse a mellora da cota da pescada en augas de Gran Sol, que sube un 10% mentres que sufre un axuste mínimo no litoral (1,4%) fronte á redución do 36% que propuña inicialmente a Comisión. Tamén foi posible frear a caída do xurelo, que ía ser do 45%, ata o 23%, co compromiso de volver sobre esta cota nunha posible revisión do TAC a mediados deste ano, en función da evolución biolóxica desta especie
Repartindo por caladoiros, no Cantábrico Noroeste acadouse a práctica continuidade na pescada e na anchoa, ademais dun aumento do 14% da cota da xarda, do 72% na cota do lirio, do 54% no rape, do 10% da raia. Na zona de Fisterra cara ao sur, logrouse un incremento do 7% na cota de xurelo, do 17% da anchoa e da cigala. No Gran Sol e en Francia, destaca sobre todo o histórico aumento do 10% acadado na cota da pescada, tamén o aumento da raia (5%), da maruca (33%) e da cigala en xeral (sobre un 8%). Acadouse tamén a continuidade na cota do peixe sapo e un incremento do 67% nas cotas do caladoiro de Porcupine. Todas as frotas ven mellorar a súa cota de forma global.
Para obter estes froitos foron imprescindibles moitos factores: a alianza entre a administración e o sector pesqueiro galego, que vogaron co mesmo rumbo, o traballo de documentación e análise científica e socioeconómica que a Xunta, trasladou ao Ministerio de Agricultura y Pesca, Alimentación y Medio Ambiente, ademais do traballo de investigación sobre as capacidades extractivas dos caladoiros e a responsabilidade da acción dun sector comprometido coa viabilidade da actividade pesqueira.
Máis capacidade para a nosa pesca sempre será unha boa nova, sen esquecer que o reto segue a ser cambiar un sistema de reparto que nunca acaba de ser xusto coas posibilidades de Galicia. Todo isto e máis, merece unha frota que realizar un traballo esforzado e encomiable por facer da pesca un sector con máis futuro, que se esforza por recuperar a ilusión polo mar.
Jose Manuel Balseiro, Delegado Territorial da Xunta.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
