Non creo na clase política nin nas castas; creo nos políticos singulares: persoas que dedican un esforzo considerable a mellorar a vida dos seas conciudadans. Creo na democracia de partidos, pero non que sexan a única vía de expresión cidadá, o único motor de participación. Creo nas asociacións de barrio, nas profesionais e sectoriaes e en todas aqueles que libres de obediencias debidas sirvan para canalizar descontentos, propostas, melloras.
Creo na cidadanía activa, vixiante e comprometida. Votar non é a máxima expresión dunha democracia. Unha democracia exprésase cada día na igualdade ante a lei, a igualdade de oportunidades, na xustiza eficaz e rápida, na súa capacidade de corrixirse, nunha educación que ensine a pensar, non a repetir, no coidado dos anciáns e enfermos, na persecución dos delitos, nos debates parlamentarios onde os deputados representan aos seus votantes, non aos seus secretarios xerais.
Unha democracia non ten alcantarillas nin desagües nin alfombras que o cobren todo. Unha democracia sa é transparente, non se avergoña nin se esconde; sabe distinguir entre os soldos necesarios dos seus alcaldes, ministros e presidentes dos privilexios e os abusos.
Un deputado, alcalde, conselleiro ou calquer outro cargo non debería viaxar a costa do contribuyente en Club nin en Business nin comer sobre manteles con cinco tenedores nin durmir en suites do Palace nin obter privilexio algún. Non é unha cuestión de números, de aforro, senón de principios, de Ética. Os principios pérdense con facilidade e sen eles non hai democracia, só decoración de interiores.
Vivimos tempos de crises nos que as institucións e outros axentes sociais están cada día máis desprestigiados: a Monarquía, a Xustiza, o Legislativo, o Goberno, a prensa? A distancia é enorme porque xa existía unha distancia mental: a casta fronte aos que votan o que manda o cacique, real ou mental, a inercia ou o sectarismo.
Esta crise que é un saqueo engadido pode ser unha oportunidade histórica para abrir as fiestras, ventilar habitacións e de paso aplicar un ERE a unha parte importante da clase política. Despedidos con 20 días e desemprego recortado.
Otero Regal.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
