Cervo, 3 de decembro de 2016. O Concello de Cervo volve poñer en marcha o programa anual de compostaxe. A concelleira de Medio Ambiente, Manuela Méndez, fai un chamamento especial aos hostaleiros para que participen neste programa, que tamén se levará a cabo nos núcleos urbanos do municipio.
A edil de Medio Ambiente anuncia que “dende o Concello de Cervo imos iniciar de novo a campaña do programa de compostaxe, que se ven efectuando de maneira periódica desde xa hai varios anos que botou a andar esta interesante e pioneira experiencia medioambiental”.
Manuela Méndez salienta que “cada ano vaise incrementando o número de usuarios que demandan este servizo ofertado polo Concello. Estamos xa nunha cifra duns 150 usuarios, o que dá conta da existencia dunha grande demanda deste programa municipal por parte dos veciños do concello de Cervo, sobre todo no ámbito rural, así como do alto grado de concienciación medioambiental que se vai acadando entre a veciñanza”.
A concelleira de Medio Ambiente quere “animar aos veciños que así o desexen a involucrarse e participar activamente neste proxecto de compostaxe. A entrega dos composteiros terá lugar en breve e xa avisaremos nós a cada unha das persoas que están anotadas para que poidan vir recollelo, pero os interesados aínda están a tempo de apuntarse”.
A edil lembra que “o obxectivo do programa de compostaxe é o fomento da autoxestión medioambiental responsable dos residuos orgánicos por parte dos veciños acollidos a esta iniciativa, coa finalidade de obter un compost de alta calidade para o seu posterior uso como fertilizante natural de terras e plantas”.
Manuela Méndez asegura: “dende o Concello de Cervo intentamos facer fincapé en que este programa de fomento de compostaxe cubra a totalidade do proceso, que vai dende a entrega gratuíta dos composteiros á formación e apoio aos usuarios para a súa posta en marcha así como o seu posterior asesoramento, no caso de que lles faga falta, dentro do que é o proceso da vida útil dos composteiros”.
A concelleira de Medio Ambiente subliña que “como novidade, á vista dos bos resultados acadados ao longo destes últimos anos de funcionamento desta iniciativa e atendendo ás demandas de veciños dos núcleos urbanos do concello que tamén amosan o seu interese por participar activamente nesta actividade que se está facendo simplemente agora mesmo no medio rural para a xente que ten casa con finca, o Concello de Cervo tamén se está a plantexar a posibilidade de instalar composteiros comunitarios co fin de que tanto aqueles veciños que o desexen como os locais de restauración interesados en participar poidan tamén depositar materia orgánica e recoller a cambio abono de alta calidade de xeito totalmente gratuíto”.
Manuela Méndez engade que “neste senso de intentar involucrar aos hostaleiros temos que ter en conta que os locais de restauración xeran gran cantidade de residuos como sobras de comida, froitas, verduras, cascas de ovo, restos de café, etcétera. O Concello de Cervo fará un especial chamamento aos hostaleiros para que se sumen ao proxecto nun futuro. Suporá un dobre beneficio: por unha banda unha evidente mellora do medio ambiente e por outra unha nova solución ao problema dos cheiros nos colectores sobre todo na época de verán. De aí que nos plantexemos colaborar con eles ao tratarse dun proceso que non suporía maior trastorno na súa actividade diaria. Non lles vai repercutir en nada e o que se obtería sería unha maior cantidade de compost, ou sexa de abono, e de maior calidade ao tempo que se evitarían problemas de cheiros no verán”.
A edil de Medio Ambiente insiste en que “dende o Concello de Cervo animamos a todas as persoas que estean interesadas a que se acheguen á delegación de Medio Ambiente ou que chamen por teléfono para poñerse en contacto con nós se desexan un novo composteiro ou se queren adherirse a este programa”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
