Foz, 23 de decembro de 2016. O Concello de Foz adxudicou a construción dun bar no centro social de Nois. Na execución desta obra colaboran a asociación de veciños e a comunidade de montes da parroquia.
O alcalde, Javier Jorge Castiñeira, anunciou que “este venres vense de adxudicar a obra de construción dun bar no centro social de Nois, concretamente a parte correspondente ao Concello, que son os primeiros 15.000 euros. A adxudicación foi á empresa focense Construcciones Eijo Rego S.L.”.
O rexedor focense lembra que “é unha obra que era unha solicitude tanto da asociación de veciños como dos grupos políticos municipais para aprobar os orzamentos do ano 2016 e que ía incluída nos investimentos necesarios para esa parroquia”.
Javier Castiñeira subliña que “é unha parroquia con máis de 500 habitantes que se quedou sen un sitio de reunión, un lugar social como son os bares, que, como todos sabemos, nas parroquias cumpren un fin moito maior que no núcleo urbano”.
O alcalde de Foz explica que “é unha obra que se vai facer en coordinación coa asociación de veciños e coa comunidade de montes, que tamén vai financiar parte dese arranxo. En definitiva eu creo que é unha boa nova para Nois, para tratar de dinamizar a parroquia a través do centro social. É un espazo que ten moitas posibilidades, con aparcamento e a pista deportiva ao lado”.
Castiñeira manifesta que “no centro social fanse a maior parte das actividades comúns da parroquia e polo tanto necesitaba dun bar onde se poida atender permanentemente á xente. É unha cousa moi similar a como está actualmente o centro social de Cangas, que tamén ten un bar anexo e funciona moi ben, non soamente para os clientes do bar senón para servizos da parroquia e a relación dos veciños”.
O rexedor espera que “en poucas semanas se poida empezar esa obra tan solicitada polos veciños de Nois e que ía dentro dos orzamentos do Concello de Foz deste ano 2016. O proxecto foi elaborado por Ramiro Cociña, o arquitecto que contratou o Concello para este traballo dado que o servizo municipal estaba colapsado en proxectos deste tipo. Era moi necesario porque había que adxudicalo durante esta anualidade. Este proxecto tamén é costeado polo Concello de Foz. A verdade é que os tempos van xustos pero o compromiso coa parroquia de Nois era firme por parte da corporación municipal e polo tanto fíxose o máximo esforzo por parte de todos para que isto puidese estar adxudicado antes de que rematase o ano”.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
