Lugo 2-1-17. Continúa na Praza de San Marcos a programación de actividades gratuítas e para todos os públicos que o Goberno da Deputación puxo en marcha a través do Mercado de Nadal, unha iniciativa que promove a artesanía e dinamiza o comercio lucense. Esta semana conta con 10 actividades, entre as que destacan os obradoiros infantís e os espectáculos de maxia.
Ademais, ata o 5 de xaneiro, están abertas as casetas do mercado de artesanía, que este ano conta con 11 profesionais do sector que amosan os seus traballos e produtos. O horario do mercado é de 11:00 a 14:00 horas e de 16:00 a 21:00 horas.
Á parte das actividades na praza de San Marcos, o Goberno da Deputación tamén organizou para estas datas obradoiros de diferentes temáticas, a través da rede museística e dos centros de interpretación. A programación especial péchase esta semana coa celebración de varios talleres infantís.
Programación do Mercado de Nadal
Martes 3 de xaneiro
– De 12:00 a 14:00 horas. Demostración en vivo de Zimzelatum (Pratería) no Mercado de Artesanía da Deputación.
– De 16:00 a 21:00 horas. Globoflexia. Un obradoiro no que o monitor realizará diferentes figuras básicas utilizando globos. Aqueles participantes “máis atrevidos”, aprenderáns os pasos a seguir para realizar algunha destas creacións.
– De 17:30 a 19:30 horas. Actuación de maxia O Baúl do Mago.
Mércores 4 de xaneiro
– De 16:00 a 21:00 horas. Obradoiro con serpentinas de cores. Manualidades creativas e moi sinxelas de levar a cabo, son tan variadas como a propia imaxinación dos pequenos artistas.
– De 17:30 a 19:30 horas. Actuación de maxia O Baúl do Mago.
Xoves 5 de xaneiro
– De 12:00 a 13:00 horas. Actuación de maxia O Baúl do Mago.
Obradoiros no Centro Terras do Miño
Un total de 20 nenos e nenas participarán nos tres obradoiros infantís de Nadal programados polo Centro de Interpretación Terras do Miño para a primeira semana de xaneiro. Os talleres, totalmente gratuítos, terán lugar os días 3, 4 e 5 de xaneiro, e estarán dedicados aos Reis Magos e á creación de árbores de Nadal.
Os talleres celébranse de 11:00 a 14:00 horas e requiren inscrición previa a través da web da Deputación. Aínda que as 20 prazas diarias están cubertas, é posible apuntarse á listaxe de agarda. http://cursos.deputacionlugo.org/terrasmino_rato/
Actividades no Museo Provincial do Mar
O Museo Provincial do Mar, con sede en San Cibrao pecharán esta semana a programación de Nadal con dúas novas actividades dirixidas ao Club Pequeamig@s da Rede Museística Provincial de Lugo. O días 4 e 5 de xaneiro, de 11:30 a 13:00 horas, terán lugar os talleres de Vilancicos e panxoliñas, e de confección dun almanaque mariñeiro, respectivamente.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
