Ribadeo, 2 de xaneiro de 2017. O alcalde, Fernando Suárez, espera que neste recen estreado 2017 se fagan realidade proxectos como a residencia de maiores ou a rehabilitación do casco vello. E asegura que seguirá loitando por defender os intereses do Concello diante de todas as administracións.
O rexedor manifestou que “máis aló das felicitacións e das boas lembranzas que nos deu o pasado 2016 e das malas, que tamén houbo algunhas, agora toca desexar o mellor para todos e para todas para este ano novo que empeza cheo de retos, de esperanza e de ánimo de seguir traballando por Ribadeo entre todos, e dando o mellor de nós mesmos como sempre fixemos e facemos”.
Fernando Suárez dixo que “temos obras e proxectos que converter en realidade neste ano que agora empeza, a residencia, o urbanismo, o casco vello, o compromiso co medio rural, seguir afondando e traballando na realidade diversa e cultural deste concello tan fermoso que se chama Ribadeo. Pero temos que seguir loitando tamén e defendendo os intereses de Ribadeo alí onde teñan obriga legal e moral de atendelos, sexa este foro a Deputación Provincial, a Xunta de Galicia, o Estado ou mesmo a Unión Europea”.
O alcalde ribadense subliñou que “temos que enfrontarnos a retos que sen dúbida xurdirán, estou convencido, dado que Ribadeo é un concello dinámico de 10.000 habitantes, e desde logo isto sempre vai pasar. Para isto tamén sabemos que contamos co alento de moita xente, de homes e mulleres, da vila e do campo, para seguir facendo de Ribadeo ese lugar agradable onde queremos seguir vivindo e onde outros queren facelo”.
Suárez Barcia desexou “moi bo ano 2017 para todas e todos, e confiando en seguir traballando por un Ribadeo mellor día tras día”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
