Ribadeo, 30 de xaneiro de 2017. O pasado venres, 27 de xaneiro, entregáronse os premios do Certame de Poesía Infantil Nadal 2016, que convocou a Biblioteca Municipal El Viejo Pancho. O concelleiro de Cultura, Farruco Graña, felicitou aos nenos e nenas premiad@s a animounos a seguir lendo e escribindo.
O edil nacionalista manifestou: “desde a Concellaría de Cultura queremos dar os parabéns ás nenas e nenos premiados e agardamos ao fallo da fase provincial na que seguro que haberá gañadores e gañadoras do noso concello. Tamén animamos, unha vez máis, a visitar as dependencias da Biblioteca Municipal El Viejo Pancho á xente nova e á xente que queremos seguir sentíndonos novos de espírito”. Para Farruco Graña “a mellor maneira de rexuvenecer, o segredo da eterna mocidade, está nos libros. Como nos lembra o Apalpador desde os muros do Cine Teatro de Ribadeo, non hai mellores tardes que as da lectura. E libro a libro, iremos imaxinando novas historias coas que animar aos nosos nenos e nenas a participar no seguinte concurso: o Certame Literario e de Debuxo Infantil Letras Galegas 2017. Canto máis lemos e máis nos animamos a escribir, mellor saberemos expresarnos, sempre atoparemos a palabra ideal para transmitir un sentimento, unha idea. Do mesmo xeito que valoramos o deporte e a formación musical, tamén podemos apreciar a lectura e a escritura como un hábito saudábel e cheo de emocións”.
Os gañadores do concurso nas diferentes categorías foron os seguintes:
CATEGORÍA A (ATA 8 ANOS)
“O NADAL MOLA” Darío López Sanjurjo (7 anos) C. Sagrado Corazón
“O NADAL” Nerea González Nonide (8 anos) C. Gregorio Sanz
“O NADAL” Bruno Fernández Rodríguez (6 anos) C. Sagrado Corazón
CATEGORÍA B (de 9 a 11 anos)
“QUE FOI DOS REIS?” Candela Rodríguez Cela (10 anos) C. Sagrado Corazón
“TEMPO DE NADAL” Eduardo Veiga Otero (9 anos) C. Gregorio Sanz
“O NADAL” Ignacio Gutiérrez Tamargo (10 anos) C. Sagrado Corazón
CATEGORÍA C (de 12 a 16 anos)
“NADAL HOXE E MAÑÁ” Julia Rodríguez Menéndez (12 anos) C. Sagrado Corazón
“EU QUERO…” Carís Hernández Eiros (12 anos) C. Sagrado Corazón
“UN NADAL DE VERDADE” Iker García Valle (13 anos) C. Sagrado Corazón
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
