Viveiro a 20 de xaneiro de 2017. O voceiro do Partido Popular de Viveiro, abaixo asinante, en nome propio e no do grupo municipal do PP, presenta ó Pleno, para o seu debate e aprobación se procede, a seguinte Moción do PP de Viveiro para que o club del mar de futbol de Celeiro xogue na temporada 17/18 na instalación deportiva de Lavandeiras
EXPOSICIÓN DE MOTIVOS
O PP de Viveiro trae de novo a este pleno a posibilidade de que o Club del Mar de fútbol de Celeiro entrene e xogue os seus partidos na instalación deportiva de Lavandeiras.
Dende o noso grupo xa nos interesarámos por esta posibilidade na temporada na que retomaron a súa actividade – temporada 14/15 – e asi plantexabamos no Pleno do 4 de decembro de 2014 unhas preguntas alusivas a esta situación, contestándosenos por parte da Alcaldesa que os organizadores do Resurecction Fest ían arranxar o campo e logo se lles deixaría utilizalo a esta entidade.
No ano 2015, novamente o PP de Viveiro se volvía a interesar pola situación destas instalacións, ó presentar unha moción para o remate das súas pistas de atletismo, aparte de mencionar que as instalacións so se estaban a usar para un fin que nada tiñan que ver co deportivo – ainda que nos parecía moi bo uso o que se destinaban-. Faciamos alusión nesta moción a imposibilidade de que o Club del Mar fixese uso das mesmas porque nos estaban preparadas para a competición futbolística. A Sra. Alcaldesa respostábanos, entre outras cousas, que se estaba a traballar para que se puidese xogar en Celeiro.
Tres anos despois de promesas incumplidas e reivindicacións constantes por parte do Club del Mar de fútbol de Celeiro, este sigue sin poder utilizar ditas instalacións, a pesares de que o Concelleiro de deportes lles prometera, si ou si, que en setembro do 2016 empezarían a súa terceira temporada xogando en Lavandeiras.
Tal e como nos indican desde o propio Club os arranxos para poder xogar e entrenar non serían moitos: construccións duns vestiarios – servirían unhas casetas modulares -, vaiado do rectángulo de xogo – podería colocarse o antiguo vaiado do Cembedo – e alumeado en condicións.
Por este motivo, aparte de que unha vez que se dote convenientemente esta instalación para a súa práctica deportiva podería ser utilizada por outras entidades deportivas, propoño ó pleno da Corporación a aprobación dos seguinte ACORDOS:
ACORDOS
1. Instar a Sra. Alcadesa para que consiga os recursos necesarios – ben sexa con fondos propios ou en colaboración con outras administracións ou entidades privadas – para dotar dos servicios que precisa dita instalación deportiva para o seu uso como tal.
2. Informar puntualmente a este Pleno das negociacións levadas a cabo para acadar os recursos que financien estas actuacións.
3. Adquirir o compromiso de que o Club del Mar de fútbol de Celeiro poderá xogar os partidos da tempada 2017- 2018 nestas instalacións.
Antonio J. Bouza Rodil
Voceiro do Grupo Municipal do PP
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
