Foz, 16 de febreiro de 2017.- O delegado territorial da Xunta en Lugo, José Manuel Balseiro, subliñou hoxe que o IES de Foz tense convertido “nun referente como berce dos baristas en España”, grazas á proxección que está a alcanzar cos certames que organiza en torno á materia.
O delegado territorial e o director xeral de Centros e Recursos Humanos da Consellería de Cultura, Educación e Ordenación Universitaria, José Manuel Pinal Rodríguez, participaron hoxe na entrega de premios do X Concurso Internacional de baristas, que se celebra estes días no centro educativo e no que participan “os mellores baristas profesionais do momento e a alumnos brillantes que son o futuro da profesión”, segundo afirmou Balseiro.
Ademais, o centro celebrou tamén onte o V Campionato internacional de cata de cafés de escolas de hostalería. O éxito destas iniciativas, asegurou Balseiro, “axuda a promover o talento que se forma neste centro”, e supón “un estímulo para os estudantes, unha satisfacción para o instituto e atreveríame a dicir que un orgullo para Foz”.
O delegado gabou o labor que está a realizar “o equipo directivo, os docentes e toda a comunidade educativa do IES de Foz, que co seu esforzo está ganando prestixio para o centro e atraendo miradas sobre os profesionais que nel se forman”.
Ao respecto, subliñou que o centro é un exemplo “do talento, a creatividade e inquedanza” que se pode atopar na Formación Profesional galega. A Consellería de Cultura, Educación e Ordenación Universitaria, engadiu, “aposta por unha FP de calidade, innovadora e de futuro, que se axuste aos intereses dos alumnos e ás expectativas das empresas”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
