Barreiros, 13 de febreiro de 2017. Barreiros acollerá unha das charlas informativas organizadas pola Xunta sobre a praga da couza da pataca. Esta sesión informativa, na que intervirán técnicos de Medio Rural, terá lugar o día 22 deste mes ás 19:00 horas no local do campo da festa de San Xusto.
O alcalde, Alfonso Fuente, manifestou que “no día de onte vendo a prensa, e hoxe de novo outra vez, ver como o Bloque Nacionalista Galego de aquí de Barreiros critica que non haxa charla da pataca, me sorprende”.
O rexedor dixo: “me sorprende toda vez que a Xunta de Galicia está a establecer un calendario de charlas polos distintos municipios. Publicou unha relación de Concellos onde se ían impartir, e precisamente hoxe á mañá xa me confirmaban tamén que en Barreiros vai ser o día 22 ás sete da tarde e imos facela no local do campo da festa de San Xusto, que é na zona do interior onde máis patacas se labran”.
Fuente Parga sinalou que “se está organizando isto e me sorprende a rapidez con que critican este feito, cando aínda se está establecendo a axenda, tendo en conta que os que teñen que desprazarse son os técnicos a facer estas charlas, e teñen que ir organizando todo o que é a axenda. Insisto, hoxe a primeira hora me confirmaban que sería o día 22, ás sete da tarde no local de San Xusto, esa charla en Barreiros”.
O alcalde barreirense asegurou que “nin a Xunta abandona aos veciños de Barreiros, nin o alcalde abandona aos veciños de Barreiros, que estean tranquilos que nosoutros imos estar sempre para informar. A día de hoxe hai outros concellos tamén que non teñen data da charla como Foz, Cervo, Lourenzá ou Trabada, que me imaxino que ao longo destes días tamén irán fechando esas charlas informativas para que todo o mundo estea ao tanto sobre a problemática que estamos a ter coa plantación de pataca”.
Alfonso Fuente Parga quixo “recalcar que o alcalde de Barreiros está sempre pendente dos veciños de Barreiros, e van estar informados como os que máis, pero tamén temos que respectar as axendas dos técnicos que teñen que desprazarse”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
