Dous meses despois de celebramos os cincuenta anos da publicación da primeira edición da novela “As Covas do Rei Cintolo” de Daniel Cortezón regreso á caverna de Sopena para contarlles, entón descoñecíao, que hai nova edición dese texto; e que trae un premio engadido.
Trátase da edición conxunta e en facsímile da novela de Cortezón publicada pola Editorial Galaxia en decembro de 1956, e do cómic “A Cova do Rei Cintolo”, tamén en facsímile aínda que co texto traducido ao galego, con debuxos e guión da autoría de Suso Peña, obra que fora publicado en 1982 pola Editorial Toutain co nº 18 da colección “ilustración + comix internacional”.
Mentres que a novela de Daniel Cortezón (Ribadeo 1927-Lugo 2009) é case unha ópera prima, a historieta de Suso Peña (Ribadeo 1941-2005) corresponde a un debuxante na madurez. Ambos textos, ademais de teren como decorado a propia cova e como tema guía sendas historias de amor, inspíranse no lendario tradicional, coa licenza lóxica da persoal creatividade.
Os autores, ademais de seren nacidos e residentes unha boa parte das súas vidas en Ribadeo, tiñan en común a amizade e a formación autodidacta. Amizade compartida co escritor e impresor de Viveiro, Manuel López, que foi quen tivo a feliz ocorrencia de reunir estas dúas historias nun só volume.
Non repetirei agora aquí os méritos literarios que adornan a figura de Daniel Cortezón, recoñecido sobre todo como autor dramático, pero si debo dicir dúas palabras de Suso Peña, un artista ribadense de enorme mérito que foi debuxante, ilustrador, deseñador, fotógrafo, guionista, infografista… Un historietista que na súa longa etapa en Barcelona formou parte do colectivo “La Floresta” do que participaban outros ben coñecidos debuxantes como Carlos Giménez, Ramón Torrents, Adolfo Usero, Esteban Maroto e Luis García. Entre as súas múltiples obras, editadas en diferentes países, quizais a máis coñecida sexa “El Senado en España”, publicada en 1985.
Celebramos e agradecemos esta oportunidade que nos ofrece a edición de Manuel López para ler ou reler estas dúas pezas, agora reunidas, de difícil ou imposible localización. Unha oportunidade para traer á actualidade dúas obras e dúas traxectorias que ben merecen a nosa lembranza. E tamén se nos ofrece unha ocasión única, inesperada, para penetrar na gran cova mindoniense, a meirande das existentes en Galicia, da man da literatura de Daniel Cortezón e dos debuxos e dos textos de Suso Peña.
Os ousadas e as ousados seguramente xa o saben; a Cova do Rei Cintolo, a de verdade, abre citas a visitas guiadas para percorrer un bo tramo do interior desde a primavera ao outono. Unha boa oportunidade para coñecer en persoa o Demo Maior que alí mora, o Cabaleiro da Centilante Espada que negocia un anaco do seu rabo para tratar un mal da amada Margarita, a Uxío e a Xila, e ao propio e verdadeiro Rei Cintolo que por alí anda, sempre agarimoso coas visitas que se lle fan con boa vontade.
©Antonio Reigosa –cronista oficial de Mondoñedo
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
