Foz, 15 de febreiro de 2017. O alcalde de Foz, Javier Jorge Castiñeira, aclara algunhas dúbidas xurdidas nos últimos días sobre o Imposto de Bens Inmobles (IBI) deste ano. O rexedor explica que as persoas que xa teñen o recibo domiciliado recibirán unha bonificación do 5 por cento e os que non teñen de prazo ata o día 28 deste mes para solicitalo es así poder acollerse a esa rebaixa.
Javier Castiñeira manifestou: “dende o Concello de Foz, dadas as dúbidas que se están a plantexar a día de hoxe nas oficinas xerais, consideramos necesario aclarar varios conceptos relacionados co cobro do IBI do ano 2017, dado que houbo modificacións que afectan precisamente ás contías que se van cobrar este ano na contribución”.
O alcalde de Foz sinala que “o coeficiente de aplicación redúcese do 0´60 ao 0´52, o que vai implicar unha rebaixa importante de todos os recibos. Tamén é ben certo que durante este ano queda a última actualización dos valores catastrais pero que afectan en moita menor medida; polo tanto todos os recibos de por si xa van ter unha baixa importante, que pode ser de arredor do 5 por cento aproximadamente, facendo as compensacións”.
Castiñeira engade que “por outro lado, que é onde hai as dúbidas, aclararlle á xente que a bonificación do 5 por cento, que é a máxima que nos permite a lei, é para todos aqueles recibos que estean domiciliados. Os que están xa están actualmente van ter a bonificación de oficio, non fai falta que o soliciten. Pero si deben facelo aquelas persoas que non teñan o recibo domiciliado, pois se queren recibir esa bonificación teñen que solicitalo no Concello antes do 28 de febreiro para que xurda efecto no ano 2017. Esa é unha aclaración moi importante porque todas aquelas persoas que xa teñen o recibo domiciliado de anos anteriores non van ter ningún problema porque se lles vai aplicar xa directamente esa bonificación do 5 por cento que se suma a ese 4 ou 5 por cento de baixa, o que vai ocasionar entre un 8 ou 10 por cento de redución con respecto ao recibo do ano pasado”.
O rexedor salienta que “tamén é moi importante para todas aquelas persoas que ata o día de hoxe non o tiñan domiciliado, que pagaban directamente no banco ou viñan ao Concello, como agora leva a xestión a Deputación, se queren domicílialo que o fagan antes do 28 de febreiro para ter xa ese desconto do 5 por cento pola bonificación. Teñen que vir aquí ao Concello, pedir un escrito que hai xa específico para isto e solicitar a domiciliación; se entra antes do 28 de febreiro terá xa directamente a bonificación”.
Para Javier Castiñeira “é importante esa aclaración porque moitas xestorías e incluso desde algún servizo dalgunha administración había certas dúbidas sobre a ordenanza. A aplicación, dende logo, é a máis satisfactoria para os veciños que teñen domiciliado, pois xa de oficio van ter esa bonificación automática do 5 por cento, e os que soliciten a domiciliación antes do 28 tamén terán esa mesma rebaixa”.
O alcalde espera que así “quede aclarado este asunto importante pois ao haber moitas dúbidas a xente necesitaba información”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
