A Mariña, 9 de febreiro de 2017.Os servizos públicos de transporte, ben sexa por estrada ou por ferrocarril están sufrindo un acelerado proceso de desmantelamento na comarca. O BNG iniciou hoxe unha campaña para instar aos gobernos do PP na Xunta e no Estado a pór freno a ese desmantelamento que deixaría á comarca gravemente perxudicada social e económicamente, tendo en conta que A Mariña vén sufrindo nos últimos anos un total esquecemento e abandono en materia de vías de comunicación.
“Á Mariña non chegan as infraestruturas viarias, e ainda por riba, desmantelan as existentes” afirmou Ana Ermida.
As actuacións do goberno do Partido Popular teñen como único obxectivo xustificar a supresión definitiva de RENFE-FEVE en Galiza
Neste sentido, as nacionalistas aportaron datos ao respecto, coma que “veñen de cancelarse por parte do goberno do PP no Estado, inversións de mais de 12 millóns de euros para o mantemento da vía e das estacións. No último ano leváronse a cabo perto de 600 supresións de servizos en Galiza, así coma retrasos continuados, vías e infraestruturas en mal estado –estacións, apeadeiros, varandas ou pasos-, e iso sen contar coa calidade do material rodante que circula no territorio galego e mariñao. Todo para unha vez máis, levar a cabo unha pensada e premeditada política para xustificar a súa supresión definitiva”
O transporte de mercadorías xa vén de sufrir un importante recorte, na madeira e no aluminio
No caso de transporte de mercadorías, no pasado ano 2016 tamén sufriu recortes nos servizos, o que levou na práctica á desaparición do transporte ferroviario de mercdorías polo territorio galego. Así pois, compañías como Alcoa na súa planta de San Cibrao, onde diariamente unhas 350 toneladas de placa de aluminio saen cara a Amorebieta; ou o mesmo o transporte de madeira, que chegou a mover 36.000 toneladas ao ano, son as grandes perxudicadas levando a facer o transporte por estrada, con todo o que eso supón.
“Coa situación económica que estamos a vivir non se pode prescindir dun servizo ferroviario que pode ser fundamental para a vertebración do territorio, ademáis de dinamizador, especialmente para a comarca da Mariña”manifestou Olalla Rodil.
A Mariña, con pésimas estradas, sen autovía e con só 7km de corredor, sufre ainda por riba o desmantelamento de RENFE-FEVE na comarca
Así o manifestou a responsable local do BNG Ana Ermida, que fixo fincapé na importancia deste medio de transporte para a mobilidade de persoas entre as localidades da comarca e avogou por unha ordenación do transporte, onde o ferrocarril teña uns horarios e frecuencias acordes ás necesidades de mobilidade dunha poboación do século XXI, e combinando tamén co ferrocarril o transporte público por estrada que está empezando a sufrir tamén o desmantelamento.
Iniciativas en todas as institucións e recollida de sinaturas
O BNG , dentro desta campaña presentará mocións en todos os concellos da comarca, reunirase con usuari@s e procederá tamén á recollida de sinaturas para instar á Xunta de Galiza para que solicite do Ministerio de Fomento os investimentos precisos para garantír un servizo ferroviario de ancho métrico (RENFE-FEVE) polo territorio galego na smellores condicións posíbeis. E así mesmo instar á Xunta a solicitar do goberno do estado a transferencia do Servizo Ferroviario de Ancho Métrico (FEVE) e así poder levar a cabo a súa promoción, coordinación e integración na rede galega de transporte ferroviario de proximidade.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
