Ribadeo, 3 de febreiro de 2017. O Concello adquirirá unha nova máquina varredora-aspiradora autopropulsada que se destinará ao servizo de Limpeza. O BOP publica hoxe a convocatoria do procedemento aberto, oferta economicamente máis vantaxosa para a adxudicación do contrato de subministro desa máquina, á que se destinan 65.000 euros de fondos propios. As empresas interesadas en presentar as súas ofertas dispoñen de 20 días naturais desde a data desta publicación no BOP de Lugo.
O concelleiro de Limpeza Viaria, Jorge Díaz, anunciou que “acaba de saír publicado no Boletín Oficial da Provincia, e tamén na páxina do Concello a través do perfil do contratante, o prego para mercar unha varredora nova á que destinarán uns 65.000 euros a cargo de fondos propios do Concello”.
Díaz Freije explicou que “é un vehículo cunhas características diferentes á actual varredora que hai. É un reforzo bastante importante a nivel da maquinaria, que pouco a pouco imos ir aumentado. Creo que é fundamental para que este Ribadeo siga sendo cada día mellor”.
Para o concelleiro nacionalista “é importante para seguir mellorando a limpeza e a imaxe de Ribadeo. Isto é unha pinga máis dentro do traballo que estamos a realizar desde esta área. Nestes últimos tempos estivemos poñendo colectores novos, etc…”.
O edil de Limpeza Viaria engadiu que “todas as empresas que queiran información está todo na web do Concello, no perfil do contratante, e se desexan calquera información aí poden consultalo e está á súa disposición. E tamén no BOP”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
