Lugo, 23 de febreiro de 2017.- A voceira do Grupo Provincial do PP, Elena Candia, compareceu hoxe en rolda de prensa acompañada do deputado e secretario xeral do partido, Carlos Armesto, para facer unha valoración dos cambios que se veñen de producir na Deputación de Lugo, coa volta ao Goberno do deputado Manuel Martínez. Á espera das consecuencias que poida traer consigo a reestruturación, os populares expresaron o seu desexo de que sexa unha decisión para garantir unha estabilidade no Goberno da Deputación.
Elena Candia expuxo que “estamos probablemente asistindo a un capítulo máis dunha traxicomedia na que se converteu a institución nos últimos tempos e, aínda que non somos responsables, temos que sentir ata vergoña allea. A provincia, e así mo transmite a cidadanía, ten unha dúbida, qué cambiou agora desde a última vez que tiveron ocasión de chegar a acordo”, preguntouse a popular.
O KM0, un mal recordo
A popular explicou que “o intercambio nese pacto é o mesmo aparentemente pero algo tivo que cambiar para que despois dun ano agora supostamente poñan o quilómetro a cero, sirva tamén que precisamente non é a mellor frase que defina a situación, xa que cando falamos de km0 nesa institución non trae os mellores recordos”, engade.
Candia explicou que o seu grupo “aplaudiría calquera decisión que permitise que a institución tivese normalidade, estabilidade e, sobre todo, un equipo moito máis preocupado dos veciños que de si mesmos. Se esta decisión sirve para iso, aínda que seguimos tendo un Goberno en minoría, a nosa man tendida, o noso compromiso de colaboración para traballar no que realmente temos que traballar, que é en resolver os problemas da nosa provincia”.
“Se non é así non nos van valer as explicacións que deron. Nin o que dixo o presidente, a quen antes o señor Martínez non lle valía e era un tránsfuga e agora é un amigo e incorpórao como vicepresidente. Non nos vale tampouco a de Martínez que parece que ve colmadas as súas aspiracións cando os definía como trileros. Parece que os antecedentes sen dúbida nos deixan unha situación preocupante e nós cos nosos doce deputados seguiremos traballando polo que nos preocupa que é esta provincia, o proxecto que temos e que os Orzamentos sexan unha realidade canto antes”.
“Hoxe sabemos que realmente os Presupostos non eran un problema de entendemento, transmitimos as nosas achegas priorizando os intereses da provincia e tamén se posicionou o BNG poñendo enriba da mesa as condicións. O presidente estaba dacordo, el mesmo o dixo, con ese modelo. Podíanse levar en decembro, pero vemos que a razón era o mercadeo político que se levaba con alevosía e nocturnidade entre os despachos do presidente e do deputado Martínez”.
A voceira asegurou que a imaxe “nos provoca vergoña, se eles non o fan e aínda que non somos os responsables, pedimos desculpas á provincia e, o máis importante, seguiremos traballando polo que realmente importa, que aínda que os Orzamentos non foron en febreiro, esperemos que vaian en marzo e cumpra a palabra dada a este grupo e a todos os lucenses e se incorporen esas peticións do noso grupo, que segue sendo determinante nun Goberno en minoría”.
A popular pídelle ao PSOE que abandone as prácticas tóxicas que puxeron en evidencia e que se tomen en serio o cargo que asumiron no seu momento e que traballen non pensando nas maniobras do PSOE, senón na nosa provincia. “Pregúntome qué pensarán asociacións que non saben se contará cunha subvención, qué pensamos os concellos que non sabemos a día de hoxe qué cantidade temos cando hoxe vexan que o que pasaba era un intento de reconciliación utilizando como moeda de cambio unha institución que entre todos temos que facela respectable e respectala”, conclúe.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
