Lugo, 22 de marzo de 2017.- A Xunta de Galicia mobilizou o pasado ano financiamento por 3.721.000 euros na provincia de Lugo a través de dous programas destinados a proporcionar liquidez e estabilidade financeira ás explotacións leiteiras e ao sector.
En Lugo resultaron beneficiadas 81 explotacións, que recibiron distintos apoios para o refinanciamento de préstamos ou o financiamento do activo corrente. Nalgúns casos concedéronse axudas en forma de garantía e noutros bonificacións nas operacións de préstamo de modo que o tipo de xuro para os beneficiarios fora de cero.
O delegado territorial da Xunta, José Manuel Balseiro, explicou que está aberta unha nova convocatoria destes programas que xestiona o Instituto Galego de Promoción Económica (Igape), dependente da Consellería de Economía, Emprego e Industria.
O delegado realizou estas declaracións durante a visita a unha explotación gandeira de Esperante, no concello de Lugo, que accedeu a este programa logo de que un incendio -ocorrido o pasado mes de agosto- causara graves danos, acabando coas reservas de forraxe e estragando parte da maquinaria.
Balseiro sinalou que “os apoios do Igape pretenden adecuar e reforzar a estrutura financeira das explotacións leiteiras” e non son de concorrencia competitiva por canto “a vontade da Xunta é impulsar calquera proxecto de investimento que poidan levar adiante os agricultores e gandeiros, sempre que cumpran os requisitos especificados nas bases da convocatoria”.
Ademais, as solicitudes poden ser atendidas practicamente ao longo de todo o ano, xa que o prazo de presentación de solicitudes está aberto ata o 31 de outubro de 2017.
O delegado destacou o apoio da Xunta ao rural e en concreto ao sector leiteiro, “que resulta un piar fundamental no tecido produtivo da nosa provincia”. Afirmou que os distintos programas de actuación postos en marcha polo Goberno autonómico van dirixidos a conseguir “explotacións dimensionadas, modernas e profesionalizadas, capaces de xogar o papel motor que lles corresponde na dinamización do medio rural”.
Liñas de axuda
As convocatorias do Igape van dirixidas ao refinanciamento de pasivos e apoio ao circulante. No primeiro caso poderanse acoller a esta liña aquelas explotacións gandeiras que formalicen un préstamo a longo prazo que se destine a cancelación, en todo ou en parte, de pasivos financeiros formalizados con entidades de crédito e con vencemento a curto ou medio prazo, co obxecto de alcanzar o equilibrio financeiro e acomodar os fluxos monetarios de entrada e saída e evitar, deste xeito, problemas de liquidez.
Enténdense por pasivos financeiros refinanciables as pólizas de préstamo ou contratos de leasing ou pólizas de crédito, entre outros.
Por outra banda, poderanse acoller ao programa de apoio ao circulante aquelas pequenas e medianas empresas que formalicen un préstamo que se destine ao financiamento do seu activo corrente, entendendo como tal o pagamento de nóminas dos traballadores, tributos, Seguridade Social, alugamento, leasing, provedores, acredores por prestación de servizos, reparacións, cotas de débedas bancarias a longo prazo no momento do seu vencemento e cotas de leasing.
As bases reguladoras de ambas liñas de apoio poden consultarse no Diario Oficial de Galicia do día 30 de decembro de 2016.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
