Entregados os premios aos gañadores do VII concurso fotográfico día do pai, convocado por Acisa

Ribadeo, 22 de marzo de 2017. O presidente e o vicepresidente de Acisa, David Martínez e Juan Andina, entregaron os premios aos gañadores do VII Concurso Fotográfico Día do Pai. O acto tivo lugar nas instalacións da Asociación de Comerciantes, na avenida de Galicia, en Ribadeo.

O premio do público, que votou a través das redes sociais, elixiu como gañadora a foto titulada Sempre ao meu carón, de Arantxa Penedo, que recibiu 100 euros en vales de compra para gastar nos establecementos asociados.

E o xurado, reunido o pasado luns, emitiu o seu veredicto: o primeiro premio, dotado con 200 euros en vales de compra de Acisa, foi para a foto Abrázame, de Alberto González Villanueva; o segundo premio foi para ¿Bailamos”, de Mª del Carmen Fernández López, que levou 150 euros en vales de compra; e o terceiro premio, que recibiu un agasallo de 100 en vales de compra, foi para Amor cómplice, de Ana Fernández Gómez.

Os afortunados dispoñen de dous meses para gastar os seus premios nos establecementos asociados a Acisa Ribadeo.