Madrid, 15 de marzo de 2017. O deputado de En Marea, Miguel Anxo Fernán Vello, presentou no Congreso unha iniciativa para exixir ao Ministerio de Fomento que pare o desmantelamento que está a levar a cabo de antiga liña de FEVE entre Ferrolterra e A Mariña con continuación até Asturias.
“O colmo dos despropósitos viviuse hai uns días cando se cancelaron a maior parte dos servizos entre Ferrol e Ribadeo. Ficamos estupefactos ao saber que a maioría das viaxes se estaban a realizar por medio de taxis e autobuses desde a orixe até o destino, e noutras ocasiones en combinación con transbordos en diferentes tramos”. Para o deputado de En Marea esta situación é insostíbel o que lle leva a denunciar que “so queda agardar a que Fomento apreté o botón de peche desta necesaria liña ferroviaria que en Galiza pasa por comarcas de importante peso industrial e económico e que non teñen máis ferrocarril que este”.
Lembra o parlamentar de En Marea que “levamos meses trasladando a Fomento as deficiencias e carencias desta liña. Xa en xaneiro advertimos da brutal redución do investimento previsto para Galiza e Asturias para actuacións de mantemento da vía, diminuindo a partida en 10 millóns de euros e deixándoa nunha inversión ridícula para poder arranxar os problemas existentes”.
“Poñan trens do séxulo XXI”
Pois ben, enfatiza Fernán Vello, “as nosas piores sospeitas e os nosos temores cumpríronse. Fomento está a deixar que morra a antiga liña de Feve por inanición. Retiran as cativas inversión como paso intermedio para eliminar o tren por completo”.
Para En Marea, subliña, Feve non debe pecharse, nin desmantelarse, todo o contrario. Debe revitarlizarse, e potenciarse porque non existe outra rede ferroviaria que dea servizo nesta zona”. Remarca Fernán Vello que os Orzamentos do Estado son unha boa oportunidade para que cambien de dirección e propicien servizos úteis, eficaces e con parque móbil propio do século XXI”.
Razón pola que dirixe ao Ministerio unha batería de preguntas: “Está Fomento desmantelando a antiga liña de Feve en Galiza? Non cre que deixar Ferrolterra e A Mariña sen tren é un auténtico despropósito? Vai o Ministerio a revisar a súa política, cambiando as súas decisión de recortes e impulsando os necesarios investimentos? Como é posíbel que constantemente se trasladen aos viaxeiros en taxis e en autobuses debido as avarías dos trens?”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
