Burela, 6 de marzo de 2017. O Concello ven de asinar o contrato para a limpeza viaria coa empresa Geseco por un ano de duración, que podería prorrogarse por outro mais, segundo deu a coñecer esta tarde o alcalde, Alfredo Llano.
O rexedor contou que “esta mañá tivemos a oportunidade de asinar o contrato coa empresa Geseco, con sede en Vigo, para a limpeza viaria. Este é un contrato dun ano máis outro se acordamos que sexa así. Contamos que empecen a traballar o día 1 de abril, se non hai impedimentos”.
Alfredo Llano lembrou que “esta é unha empresa que saíu adxudicataria debido ás súas melloras. Vemos que é unha empresa seria que ten moi boas intencións para Burela. Penso que se vai notar perfectamente a entrada desta nova firma que se encargará da limpeza viaria, e esperemos que sexa un servizo que sexa compartido cos veciños que dalgunha maneira colaboren, e potencie a limpeza global do noso concello”.
O alcalde dixo que “Geseco é unha empresa que está comprometida nos programas medio ambientais que imos distribuír xa inmediatamente que comecen a traballar, para favorecer que as persoas que sexan usuarias do servizo colaboren co reciclado e a mellor maneira de tratar os residuos, sexan orgánicos ou non orgánicos”.
Llano subliñou que “tamén esta empresa se vai encargar da mellora do servizo de limpeza nas praias tanto de verán como agora en Semana Santa, posiblemente lle demos unha pasada para facelas atractivas para que a xente que se achegue por Burela teña oportunidade de gozar dos nosos areais”.
O rexedor burelés indicou que “se comprometen á limpeza viaria cunha mellora substancial que se vai notar posiblemente en todo o servizo. Empezamos xa pola limpeza, mellora e reposición dos colectores e limpeza tamén das beirarrúas. Esperemos que dea un resultado extraordinario cara ao futuro do noso pobo en cuestión de limpeza. Tamén hai que ter en conta que imos potenciar o punto limpo, seguiremos coa recollida de voluminosos e coa recollida selectiva de cartón”.
Alfredo Llano asegurou que “estamos todos ilusionados nesta nova andadura dun novo servizo que en principio consideramos que vai ser positivo para o Concello de Burela, aínda que nosoutros trataremos sempre de mellorar este servizo e incluso de recuperalo se é posible, nun futuro”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
