Burela, 28 de marzo de 2017. O Concello sacará a concurso unha praza de técnico de xestión medioambiental, tras o visto bo da mesa de negociación, que se reunía nas últimas horas. No encontro tamén se falou das horas extras, segundo contou o alcalde, Alfredo Llano.
O rexedor burelés declarou que “celebramos unha mesa de negociación, a verdade é que desde que estamos nosoutros no equipo de goberno, facémolo coa asiduidade e periodicidade suficiente como para concretar e traballar sobre temas que preocupan tanto aos traballadores como ao propio Concello”.
Alfredo Llano salientou que “tivemos unha xornada que para min foi positiva e penso que para os representantes dos traballadores tamén, en dous puntos concretos. Un deles foi que nosoutros necesitamos aquí un técnico de xestión relacionado con asuntos de medio ambiente, que é do grupo A2. É unha praza que queremos sacar a concurso o antes posible porque é moi necesaria no Concello de Burela. Houbo que pasar pola mesa xeral de negociación para que fose informada da nosa pretensión de ocupar esta praza o antes posible. Non houbo ningún problema en facer unha modificación puntual da relación de postos de traballo para incorporar esta nova praza ao noso Concello. Imos ter que levar ao pleno da próxima semana a dotación económica para esta praza, pero realmente o que nos importaba era que se puidera sacar o antes posible, e cando se poida vaise facer. É unha praza moi importante para o noso concello porque os temas de medio ambiente agora mesmo son moi demandados”.
O alcalde engadiu que “tamén tivemos a oportunidade de traballar sobre o artigo 46 do acordo regulador das condicións de traballo do persoal funcionario e laboral do Concello de Burela. Refírese ás gratificacións por servizos extraordinarios, horas extras que nos van facer falta como contemplalas e chegar a acordos. Estivemos establecendo as propostas das dúas partes, dos traballadores e do equipo de goberno, e ao final chegamos a un acordo aprobado polas dúas partes que vai ser o que vai rexer a partir de agora o pago das horas extraordinarias e como facelas. Consideramos que hai moitas veces por razóns de servizo, xa non digamos os urxentes, por motivo de festas ou de actos que é necesario saírse do horario laboral, entón é necesario regular o pago destas horas extraordinarias. Penso que se van poder aplicar inmediatamente que se aproben no pleno ordinario. A ver se da tempo que vaia para o do mes de abril e se non iría no do mes de maio”.
Alfredo Llano anunciou que “o pleno correspondía realizarse o último xoves de cada mes e neste mes de marzo era o día 30, pero por ter a reunión da mesa de negociación onte, día 27, pasámolo para o día 6 de abril. Dado que había que tratar un punto nesa mesa de negociación que era vinculante para levar ao novo pleno, por esa razón trasladámolo ao día 6”.
O rexedor lembrou que “xa está contemplado na normativa, nos acordos que tomamos no Concello cos diferentes grupos políticos, que en caso de que non se poida realizar o pleno ordinario na data especificada, pode pasar ao xoves seguinte, por iso imos pasalo ao día 6 de abril e non hai problema ningún en facelo así”.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
