Lugo, 28 de marzo de 2017.- O Grupo Provincial do PP logrou que a Deputación aprobara unha liña específica de axudas en réxime de concorrencia competitiva destinada a subvencionar as escolas de música da provincia de Lugo dependentes dos concellos ou de colectivos sen ánimo de lucro. Os populares felicítanse de que saíse adiante a súa iniciativa, pese ao voto en contra do equipo de Goberno.
Así, o deputado popular Francisco Balado explicou que a pretensión é que os Concellos poidan compatibilizar esta liña específica de axudas co Plan Único de cooperación dos concellos do ano 2017. Demandan tamén que para levar a cabo esta liña de axudas se teña en conta desde a administración provincial os aspectos fundamentais aprobados na sesión plenaria ordinaria do 26 de xullo de 2016.
Os populares recordaron tamén que nesa sesión plenaria aprobouse “por unanimidade” a moción presentada polo Grupo Provincial Popular relativa á concesión de subvencións ás escolas de música dependentes dos Concellos da Provincia de Lugo ou de colectivos sen ánimo de lucro, na que se incluíron as diferentes emendas presentadas polo Grupo Provincial Socialista e polo Grupo Provincial do BNG ao ser aceptadas polo Grupo propoñente.
Colaboración da Xunta de Galicia
Unha das emendas do Grupo Provincial Socialista, e incluída na moción aprobada, facía referencia a solicitar á Xunta de Galicia que se comprometera a colaborar coas escolas de música dependentes dos Concellos ou de colectivos sen ánimo de lucro mediante unha liña de axudas en concorrencia.
Neste sentido, o conselleiro de Cultura, Educación e Ordenación Universitaria anunciou o día 11 deste mes a inminente publicación no DOG dunha nova orde de axudas orientadas a subvencionar o funcionamento tanto das escolas de música das cales sexan titulares os concellos, como daquelas dependentes de asociacións ou fundacións sen ánimo de lucro.
Falta de compromiso da Deputación
Balado precisou que presentaron esta iniciativa posto “que o Goberno da Deputación Provincial de Lugo non cumpriu o acordo adoptado no seu día, xa que non puxo en marcha a liña de axudas en réxime de concorrencia competitiva destinadas a subvencionar ás escolas de música municipais ou dependentes de colectivos sen ánimo de lucro pese a existir un acordo plenario”. Lamentou ademais que hoxe o PSOE votara en contra desta iniciativa.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
