Ribadeo, 14 de marzo de 2017. O equipo de goberno levará ao vindeiro pleno a actualización dos prezos do Hospital Asilo. O alcalde, Fernando Suárez, asegura se atende así unha petición realizada hai tempo pola congregación que xestiona o centro e subliña que as contías que os usuarios “son as máis baixas de toda a contorna”.
O rexedor manifestou que “en Ribadeo levamos tempo falando da residencia de maiores actualmente en construción, no que todo o mundo está e estivo a unha, todo o mundo agás algunhas malévolas mentes da Xunta de Galicia xunto con algúns corifeos de aquí de Ribadeo que asisten coitadiños a esa afrenta que nos fixeron e que nos fan a Ribadeo. En todo caso, neste camiño de obstáculos irémolos sorteando todos para que o remate das obras, o equipamento e a posta en funcionamento sexan realidade antes que despois”.
Suárez Barcia dixo que “non debemos esquecer que Ribadeo conta con outro edificio, neste caso o Hospital Asilo con outra xestión, neste caso dunha orde relixiosa, a congregación Marta e María, que por certo faino moi ben dadas as características do edificio e que a grande maioría dos usuarios e as usuarias se atopan nunha situación de dependencia moi elevada”.
O alcalde sinalou que “esta orde relixiosa tenos pedido, xa hai algún tempo, formalmente o incremento dos prezos que se cobran aos usuarios para poder equilibrar a situación de ingresos e gastos e facer sostible este Hospital Asilo, dado que hai que ter en conta que as súas únicas achegas son as dos usuarios e as usuarias, xunto con algunha axuda esporádica de alguén que lles quere botar unha man de vez en cando. No Concello pola nosa parte asumimos a maior parte dos gastos de subministro como poden ser electricidade, calefacción, obras de estrutura, etc…”.
Fernando Suárez explicou que “despois de que os técnicos municipais estudaran esta petición, esta situación imos levala ao próximo pleno para proceder á actualización dos prezos, de acordo co IPC acumulado desde o ano 2009, segundo establece a ordenanza reguladora. Así os residentes válidos pasarán a pagar de 600 a 668 euros, e os residentes non válidos de 800 a 891 euros. Con todo estes prezos seguen a ser os máis baixos de toda a contorna, tanto miremos para o sur, o leste ou u oeste, non hai ningún centro con prezos iguais ou inferiores a estes, incluso con esta suba do IPC acumulado deste tempo”.
O rexedor engadiu: “supoño evidentemente que estas decisións nunca gustan, pero fanse necesarias se queremos manter a continuidade do servizo. Si que queremos, porque coa nova residencia queremos que este Hospital Asilo siga prestando servizos, quizais con menos usuarios, pero sobre todo para aqueles que se atopen nunha situación de menor dependencia para os cales este centro, que por certo é moi céntrico, segue a ser moi válido”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
