Foz, 20 de marzo de 2017. O presidente de Augas de Galicia, Roberto Rodríguez, visitou esta tarde Foz para reunirse coa comisión de seguimento da depuradora e na xuntanza explicou o proceso que se levará a cabo para a construción da nova EDAR.
Despois do encontro o alcalde focense, Javier Jorge Castiñeira, anunciou: “vimos de ter a primeira reunión da comisión de seguimento da depuradora do concello de Foz, recentemente constituída, con representantes de Augas de Galicia, concretamente co seu presidente, Roberto Rodríguez, e co enxeñeiro xefe encargado deste proxecto para Foz, Gonzalo Mosqueira. Foi moi interesante e tanto os portavoces dos grupos políticos como os das 4 asociacións que pertencen a esta comisión, que son as dúas de Forxán, a asociación de veciños de Fazouro e a do núcleo urbano de Foz, O Castro, puidemos escoitar na voz do presidente de Augas de Galicia como se vai iniciar xa a licitación do anteproxecto e do estudo de impacto ambiental, que estará lista nas próximas semanas. E a partir de aí xa se iniciará o traballo técnico, despois de valorar a situación e todos os antecedentes deste longo proceso. No convenio que aprobou o Consello da Xunta e foi publicado no DOG, co cal o goberno galego se compromete ao financiamento desta obra, tíñamos establecidos uns prazos, do 2016 ao 2020, que intentaremos que sexan cumpridos”.
Para o rexedor municipal foi “unha primeira reunión moi interesante, na que todos puideron manifestar a súa opinión e sobre todo cumpriuse o seu principal obxectivo, que é manter aos veciños e aos grupos políticos informados neste caso polo ente que vai afrontar esta obra, que é Augas de Galicia. Quero agradecer a Roberto Rodríguez a súa presenza hoxe aquí e destacar que é unha moi boa nova para Foz esa próxima licitación do anteproxecto e do estudo de impacto ambiental, que teremos nestas próximas semanas. Esta xuntanza foi un alarde de transparencia nun asunto tan importante para o noso concello como é o tratamento das augas residuais do municipio”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
