Barreiros, 1 de marzo de 2017. O alcalde, Alfonso Fuente, supervisou os danos causados polo temporal rexistrado no mar nas últimas horas. As grandes mareas de onte ocasionaron desperfectos nas praias de Altar, Remior e Reinante. En Altar o nivel da area descendeu uns 3 metros e foi derrubada unha escollera. Persoal da Deputación de Lugo traballa hoxe no arranxo deses danos.
O rexedor explicou que “onte a primeira hora chamábame o responsable de Protección Civil pola situación que había no rego de Remior e no rego de Reinante, así como nunha escollera en Altar. Despraceime ata alí despois de chamar ao Xefe de Costas, José Miguel Esteban, quen aproveitando que era festivo en Lugo estaba aquí na Mariña, e fomos os dous ver eses danos”.
Fuente Parga detallou que “na praia de Altar houbo unha escollera que protexe o paseo marítimo, que a tirou porque descendeu o nivel de area en torno a uns tres metros. No rego de Remior meteu bastante area polo rego arriba xa que subiu o mar e entrou por onde desembocan eses regos, o cal facía de tapón nos tubos da estrada da Deputación. En Reinante tamén pasou o mesmo, meteu moita area que taponou esas saídas dos regatos provocando inundacións”.
O alcalde barreirense manifestou que “se foi controlando que iso non fora a máis ao coincidir nun día festivo. Nós trasladámoslle este tema á Deputación para que mandase maquinaria a limpar eses tubos. Hoxe pola mañá xa están facendo esas reparacións e nun principio os danos son os da escollera da praia de Altar e unha pasarela en Remior, que pasa por enriba do regato, e que a forza do mar retorceuna”.
Para Alfonso Fuente“o temporal vai ir a menos e se a cousa segue como ata hoxe en principio non se espera que vaia haber máis desperfectos, pero hai que ter en conta que o mar é imprevisible e un cambio pode provocar estes danos”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
