Lugo, 25 de abril de 2017. O Pleno da Deputación aprobou as dúas mocións que presentou o Goberno Provincial para que a Xunta de Galicia cree un Fondo de Participación que garanta que todos os Concellos reciban de xeito obxectivo e equitativo recursos da administración autonómica; e que o Goberno Central permita aos municipios lucenses reinvestir os 23 millóns de euros que teñen de superávit.
A Deputada de Economía, Mayra García Bermúdez, explicou que “dende este Goberno Provincial, defendemos que a política é o instrumento de participación cidadá na xestión do público e que as persoas que somos elixidas, de xeito directo ou indirecto, para ocupar cargos institucionais o facemos, única e exclusivamente, para representar aos cidadáns. Entendemos que a obriga dos 25 Deputados desta Corporación é defender os intereses dos lucenses na xestión dos recursos públicos desta Deputación e das restantes administracións no país. Temos a obriga de garantir que os fondos públicos de todos e cada un dos cidadáns cos que contan as institucións cheguen por igual aos veciños, vivan onde vivan, e goberne quen goberne; cuestións que algún grupo político, como demostrarei a continuación con datos oficiais e públicos, obvia”.
Neste senso, García Bermúdez apuntou que “a distribución de fondos autonómicos por parte do Partido Popular dende a Xunta de Galicia é completamente arbitraria e discriminatoria, canto menos na nosa provincia, pois só atende á cor política dos municipios”. Para facer estas declaracións, a Deputada apoiouse en documentos oficiais do Goberno galego, que se poden consultar nas seguintes ligazóns:
– “En menos de tres semanas e a poucos días das eleccións autonómicas, a Xunta de Galicia repartiu 3,1 millóns de euros a Concellos lucenses, exclusivamente, gobernados polo Partido Popular”. Páxina 2: https://goo.gl/8OcL9m (Acceso aos convenios con Outeiro de Rei de 600.000 euros; Cervo de 200.000 euros; Cospeito de 800.000 euros; Paradela de 350.000 euros; Friol de 200.000 euros; Sober de 405.000 euros ou Castro de Rei de 500.000 euros).
– “A Xunta de Galicia repartiu 11,3 millóns de euros entre 11 Concellos da provincia, dos cales 10 están gobernados polo Partido Popular, que reciben o 99,75% dos fondos. Só o 0,25% destas axudas públicos chegan a municipios de distinta cor política”. Acceso ao DOG do 3 de novembro de 2016 https://goo.gl/wAHvps
– “A Xunta de Galicia aproba un Plan Extraordinario para melloras de infraestruturas e equipamentos nos Concellos. Achega á provincia de Lugo 483.000 euros dos que 309.000 son para municipios gobernados polo Partido Popular. Isto supón, preto do 65% dos fondos”. Acceso ao DOG do 21 de marzo de 2017 https://goo.gl/YM5h74
– “A Xunta de Galicia distribúe axudas da Unión Europea para investimentos en impulso do turismo. Achega á provincia de Lugo 459.000 euros dos que 335.200 son para Concellos gobernados polo Partido Popular. É dicir, preto do 70% dos fondos. Acceso ao DOG do 28 de outubro de 2016. https://goo.gl/SQJLcO
Tras estes exemplos, a Deputada engadiu que “o que buscamos con esta moción, é esixir cambios na política de actuación do PP, comezando pola que aplican na Xunta, pois a través do Fondo de Cooperación Local só se garante, a todos os Concellos, un 1,11% do orzamento da Xunta fronte ao 23% que achega a Deputación só a través do Plan Único”.
Esta proposta saíu adiante cos votos a favor de PSOE e BNG, pois o PP votou en contra.
23 millóns de euros de superávit
Todos os Deputados aprobaron a moción do Goberno Provincial instando ao Goberno Central a permitir que os Concellos lucenses poden reinvestir os 23 millóns de euros que teñen de superávit, pois non o poden facer en base á Lei 2/2014 que aprobou o Executivo Estatal.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
