Burela, 28 de abril de 2017. No pleno extraordinario celebrado esta mañá no Concello de Burela aprobáronse as obras a incluír no plan Único de Deputación e tamén o plan estratéxico de subvencións para o período 2017-2019. O alcalde, Alfredo Llano, dixo que os investimentos recollidos no plan Único “son fundamentais para o noso concello”.
O rexedor explicou que “acabamos de celebrar un pleno extraordinario máis que nada para aprobar o plan Único da Deputación Provincial. Entre o que aporta a Deputación e o que pon o Concello para o POS suman aproximadamente 343.000 euros. Vamos investilos en obras que son boas para o noso concello, como a reposición de pavimento e mellora de marcas viarias, que leva un orzamento de aproximadamente 119.000 euros; a reposición de beirarrúas, cun orzamento de case 60.000 euros; e a mellora de accesibilidade, para a eliminación de barreiras arquitectónicas, que ten uns 25.000 euros de orzamento”.
Llano declarou que “isto é fundamental para o noso concello. Xa se está vendo estes días que estamos facendo moitas obras tanto de asfaltado como de reposición de beirarrúas e pintado. Pero consideramos que hai que actuar en máis sitios e por iso se elixiron esas tres obras”.
O alcalde burelés engadiu que “a maiores vai un programa do Servizo de Axuda no Fogar, que leva un investimento de 39.000 euros; temos o programa Depu Emprego, que é moi interesante pois xa temos a experiencia da edición anterior, na que tivemos a seis persoas, e agora vamos ter a nove profesionais e poñerémolo en marcha a partir do 31 de outubro deste ano cun investimento de 79.000 euros. Tamén temos un programa de actividades culturais e deportivas, que leva 16.000 euros, e outro de eventos turísticos, con unha axuda de 6.000 euros”.
Alfredo Llano dixo que “este pleno serviu para aprobar estes orzamentos e ao mesmo tempo o plan Único cos votos favorables dos concelleiros do equipo de goberno mentres que os da oposición, tanto o BNG como o PP, abstivéronse”.
O rexedor contou que “tamén aprobamos algo moi interesante para aplicalo xa no noso concello, que é un plan estratéxico de subvencións para o período desde este ano 2017 ata o 2019. Este plan estratéxico é basicamente para ordenar e ter unhas bases moi ben establecidas, claras e de acordo co que esixen agora por lei as diferentes administracións. É unha normativa con todas as garantías que basicamente se vai basear na publicidade e transparencia, a concorrencia, a obxectividade e os principios de eficacia e eficiencia. Vamos aplicalo xa. Realmente é bo que os concellos teñan unha referencia na que basearse para outorgar as diferentes subvencións e polo tanto é o que imos facer a partir de agora, despois de que xa se aprobou hoxe esta nova regulamentación chamada plan estratéxico de subvencións. Xa se sabe que imos abarcar o máximo posible en canto a todo tipo de subvencións que poidamos dar, tanto a asociacións como a centros educativos e para actuacións relacionadas con turismo, medio ambiente, cultura, etcétera. Espero que resulte moi eficaz para que a concesión das subvencións sexa o máis transparente e se aproveiten o mellor posible”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
